2 तीमुथियुस 1:16 - सादरी नवाँ नियम

¹⁶ उनेसिफुरुस केर घराना उपरे प्रभु दया करोक, काले कि उ मोर से भेंट करेक लगिन आलक आउर कायनों बेर मोर मदइत करलक। आउर जेहेल में हों आय के मोर से भेंट करेक से नी लजालक।

2 तीमुथियुस 1:16 Iomraidhean Croise

मत्ती 25:17

एहे लेखे जेके दूई गो सोना केर सिक्का मिल रहे, ओहो आउर दूई गो सोना केर सिक्का कमालक।

मत्ती 5:7

धाइन हेकैं उमन, जेमन दोसर मनक उपरे दयालु अहैं, परमेश्‍वर उ मनक उपरे दया करी।

खास चेलामन केर काम 21:33

तब पलटनमन केर सरदार भीरे आय के पौलुस के धाइर लेलक आउर उके दूई गो सिकड़ से बाँधेक केर हुकूम देलक। तब उ आदमीमन से पूछेक लगलक, “इ के हेके आउर इ का काइर हे?”

खास चेलामन केर काम 28:20

मोंय तोहरे से मिलेक केर आगया इ लगिन लेई हों कि मोंय तोहरे से इकर बारे में गोठियामूँ। काले कि इसराइल केर आसरा लगिन जे कि मसीह हेके, मोंय इ सिकड़ से जकड़ल अहों।”

1 कुरिनथियनमन 16:18

आउर उमन मोर मन के चैन देई हैं, ठीक तइसनेहें जब उमन घूइर आबैं तो तोहरे केर मन के हों चैन देबैं, इ लगिन एइसनमन केर आदर करबा।

इफिसियनमन 6:20

इकरे लगिन मोंय बेरी से बाँधल राजदूत नियर सेवा कराथों। आउर एहो लगिन प्रार्थना करा कि मोंय जइसन मोके परचार करेक चाही, ओइसनेहें निडर होई के शुभ समाचार परचार करेक पारमूँ।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:17

मगर जब उ रोम देस में आलक, तो मेहनइत से मोके खोजलक आउर मोर से भेंट करलक।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 4:19

प्रिस्किल्ला भाई आउर अक्विला बहिन के आउर उनेसिफुरुस केर घराना के जोहार।

फिलेमोन 1:20

हे भाई इ फायदा मोके प्रभु में तोर बटे से मिलोक, मसीह में मोर जीव के हरा-भरा काइर दे।

फिलेमोन 1:7

काले कि हे भाई, दोसरमन लगिन तोर इ प्रेम के देइख के मोके ढेइर खुशी आउर शांति मिललक। इ लगिन कि तोर चलते पवितर आदमीमन केर मन हरा-भरा होई जाय हे।

इब्रानीमन 10:34

तोहरेमन कैदीमन केर दुःख में हों दुःखी होला, आउर अपन सम्पति के हों खुशी से लुटेक देला, काले कि तोहरे जानाला कि तोहरे ठिना एखनो उ चीजमन अहे, जेके देवेक केर परमेश्‍वर करार काइर हे, उ चीजमन इ दुनिया केर सम्पति से बगरा बढ़ियाँ अहे आउर जुग-जुग लगिन अहे।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।