2 तीमुथियुस 1:14 - सादरी नवाँ नियम

¹⁴ आउर उ सच्चाई केर रखवाली कर जे पवितर आत्मा केर शक्ति से तोके जिम्मा देवल जाय हे, आउर जे हमर में बसल अहे।

2 तीमुथियुस 1:14 Iomraidhean Croise

लूका 16:11

से लगिन जब तोहरेमन दुनिया केर धन में ईमानदार नी रहला तो स्वरग केर धन के केहर तोहरेमन के देई!

यूहन्ना 14:17

उ पवितर आत्मा हेके, जे परमेश्‍वर केर बारे में सच्चाई के देखायला, जेके दुनिया केर आदमीमन मानेक नी पारैना, काले कि उमन उके ना तो देखैना आउर ना जानैना। तोहरेमन उके जानाला, काले कि उ तोहर संगे रहेला, आउर उ तोहर में रही।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 8:11

आउर अगर पवितर आत्मा जे यीशु के मोरलमन में से जियालक तोहर में बसल अहे, तो जे मसीह के मोरलमन में से जियालक, उ तोहर नाश होवेक वाला कायामन के हों अपन आत्मा केर द्वारा जे तोहर में बसल अहे जियाई।

रोमानियनमन 8:13

काले कि अगर तोहरेमन काया केर स्वभाव केर मोताबिक चलबा, तो परमेश्‍वर से अलग होई जबा, अगर पवितर आत्मा केर शक्ति से काया केर स्वभाव केर इच्छा के रोकबा, तो परमेश्‍वर में बनल रहबा।

रोमानियनमन 8:9

मगर जब पवितर आत्मा तोहर में बसेला, तो तोहरेमन पापी स्वभाव केर कब्जा में नखा, मगर आत्मा केर कब्जा में अहा। अगर केकरो में मसीह केर आत्मा नखे तो उ उकर आदमी ना लगे।

1 कुरिनथियनमन 3:16

तोहरेमन पक्का जानाला कि तोहरे खुद परमेश्‍वर केर मंदिर हेका, आउर परमेश्‍वर केर आत्मा तोहर में बास करेला।

1 कुरिनथियनमन 6:19

तोहरेमन पक्का जानाला कि तोहर काया पवितर आत्मा केर मंदिर हेके, आउर पवितर आत्मा जे तोहरे के परमेश्‍वर बटले मिल हे, उ तोहर में बसल अहे, आउर तोहरे परमेश्‍वर केर हेका।

1 कुरिनथियनमन 9:17

अगर मोंय इ काम के अपन इच्छा से करतो, तो मोके इनाम मिलतक, आउर अगर मोके इ काम के करेक केर इच्छा नखे, फिन भी मोके इ काम के करेक लगिन जिम्मा सोंपल जाय हे।

2 कुरिनथियनमन 5:16

इ लगिन अब से हमरे केकरो फैसला काया केर मोताबिक नी करब, जबकि हमरे मसीह केर फैसला हों काया केर मोताबिक काइर रही, मगर अब एइसन नी करब।

गलातियनमन 2:7

मगर अगुवामन देखलैं कि जइसन यहूदीमन लगिन शुभ समाचार परचार केर काम पतरस के सोंपल जाय हे, तइसनेहें परजाइतमन लगिन मोके शुभ समाचार परचार केर काम सोंपल जाय हे।

इफिसियनमन 2:22

जेकर में तोहरे परजाइत बिसवासीमन हों यीशु मसीह केर संगे एक जुट होई के पवितर आत्मा केर शक्ति से परमेश्‍वर केर रहेक ठाँव होवेक लगिन एक संगे बनाल जवाला।

इफिसियनमन 5:18

आउर दारू पी के मतवारी ना करा, इकर से आदमीमन निरलज ब्यवहार करैना, मगर पवितर आत्मा से भरते जावा।

कुलुसियनमन 4:11

यीशु जेके आदमीमन यूस्तुस नाँव से बोलायना, तोहरेमन के जोहार कहेला। यहूदी बिश्वासीमन में से सिरिफ एहे परमेश्‍वर केर राइज केर लगिन मोर संगे काम करेक वाला आउर मोर शांति केर कारण हेके।

1थिस्सलुनीकियनमन 5:19

पवितर आत्मा केर काम के ना रोका।

1 तीमुथियुस 1:11

इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 2:2

आउर जे गोइठमन के ढेइर आदमीमन केर सामने यीशु मसीह केर बारे में संदेश के सिखाएक बेरा तोंय मोर से सुइन हिस, उमन के बिसवासी आदमीमन के सोंइप दे, जेमन दोसरमन के हों सिखाएक केर लाएक होबैं।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।