2 तीमुथियुस 1:12 - सादरी नवाँ नियम

¹² इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:12 Iomraidhean Croise

मत्ती 12:21

आउर सोउब देस केर आदमीमन उकर उपरे आसरा रखबैं।”

मत्ती 24:36

इ सोउब गोइठ कहिया आउर कोन बेरा पूरा होवी इकर बारे में केऊ हों नी जानैना, ना स्वरग केर दूतमन आउर ना मोंय परमेश्‍वर केर बेटा। मगर उ दिन आउर उ बेरा केर बारे में आबा हें जानेला।

मत्ती 7:22

जे दिन न्याय होवी, उ दिन ढेइर आदमीमन मोर से कहबैं, ‘हे प्रभु, हे प्रभु, का हमरे तोर नाँव से भविष्यवाणी नी करली? तोर नाँव से भूतमन के नी निकलाली आउर तोर नाँव से ढेइर चमत्कार केर काम नी करली?’

लूका 10:12

मोंय तोहरेमन से कहाथों कि न्याय केर दिन उ नगर केर आदमी मनक सजा, सदोम नगर केर आदमी मनक सजा से हों बगरा होवी।

लूका 23:46

यीशु जोर से हकाय के कहलक, “हे आबा, मोंय अपन आत्मा के तोर हाँथ में जिम्मा देवाथों।” इ कइह के अपन प्राण छोइड़ देलक।

यूहन्ना 17:15

मोंय तोर से इ प्रार्थना नी कराथों कि तोंय उमन के दुनिया से उठाय ले, मगर मोंय इ लगिन प्रार्थना कराथों कि तोंय उमन के उ दुष्ट शैतान से बचाय के रखबे।

यूहन्ना 6:44

केऊ मोर ठिना अपन से आवेक नी पारी, जब तक कि उके मोर आबा, जे मोके भेइज हे, उके खींच नी लानी, आउर मोंय उके आखरी दिन फिन जिंदा काइर देमूँ।

खास चेलामन केर काम 13:46

तब पौलुस आउर बरनाबास निडर होई के कहलैं, “जरुरी रहे कि परमेश्‍वर केर बचन पहिले तोहरे के सुनाल जातक: मगर तोहरे सुनेक नी चाहाला आउर खुद के जुग-जुग केर जिंदगी के पावेक लाएक नी बनाथा। से लगिन हमरे परजाइत आदमीमन केर बटे जाथी।

खास चेलामन केर काम 13:50

मगर यहूदी अगुवामन इज्जतदार आउर भक्त जनानामन के आउर नगर केर ऊँचा ओहदा में बइठल आदमीमन के उसकालैं आउर पौलुस आउर बरनाबास केर बिरोध में हुड़दंग करुवाय के उमन के अपन सिमान से बाहरे निकलाय देलैं।

खास चेलामन केर काम 21:13

मगर पौलुस उमन के जबाब देलक, “तोहरे इ का कहाथा? तोहरे काइंद-काइंद के मोके काले दुःख देवाथा? मोंय तो प्रभु यीशु केर नाँव लगिन यरुशलेम शहर में ना सिरिफ बाँधल जाएक लगिन मगर मोरेक लगिन हों तेयार अहों।”

खास चेलामन केर काम 7:59

जब उमन स्तिफनुस के पखना से मारत रहैं तब उ इ कइह के प्रार्थना करत रहे, “हे प्रभु यीशु, मोर आत्मा के लेई ले।”

खास चेलामन केर काम 9:16

आउर मोंय उके बतामूँ कि आदमीमन के मोर बारे में बताएक केर चलते उके कइसन-कइसन दुःख उठाएक होवी।”

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 9:33

जइसन पवितर किताब में लिखल अहे, “देखा मोंय यरुशलेम शहर में एगो एइसन पखना रखाथों जे आदमीमन के जाएक आउर रोकेक केर कारण होवी, एइसन पखना जेकर से आदमीमन ठेसाय के गिरबैं, आउर जे उकर उपरे बिसवास करी उ कहियो लाजिम नी होवी।”

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

फिलिप्पियनमन 1:20

मोर दिल केर इच्छा आउर आसरा इ हेके कि मोंय कोनोवें गोइठ में नी लजामूँ, मगर मोके मसीह केर बारे में बोलेक केर हिम्मत होवोक, जइसन मोंय आगे हों काइर रहों। चाहे मोंय जिंदा रहमूँ चाहे मोइर जामूँ, मोर पूरा जिंदगी से मसीह केर बड़ाई सोउब बेरा करते रहमूँ।

फिलिप्पियनमन 3:10

ताकि मोंय मसीह के आउर बढ़ियाँ से जाइन लेमूँ, आउर उकर मोरलमन में से जी उठेक केर शक्ति के महसूस करमूँ, आउर मौत में उकर लेखे बाइन के उकर दुःखमन में भागीदार होई जामूँ।

फिलिप्पियनमन 3:21

उ अपन शक्ति केर उ असर केर मोताबिक जेकर से उ सोउब चीजमन के अपन कब्जा में करेक पारेला, हमर कमजोर आउर दुनिया केर काया केर रूप बदइल के अपन महिमा से भरल काया नियर बनाय देवी।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

1थिस्सलुनीकियनमन 2:16

आउर उमन परजाइत आदमीमन से उमन केर छुटकारा लगिन गोठियाएक से हमरे के मना करैना, आउर जब तक परमेश्‍वर उ उमन के सजा नी देवी तब तक उमन पाप उपरे पाप कमाते जायना, आखरी में परमेश्‍वर उमन के भयानक सजा देवी।

1थिस्सलुनीकियनमन 5:4

मगर हे भाईमन, तोहरेमन पापमन में जिंदगी नी जियाथा कि जब प्रभु यीशु दोबारा घूइर आवी, तो उ दिन तोहरेमन उपरे चोर नियर आय जाई कि तोहरे तेयार नी रहबा।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:14

आउर उ सच्चाई केर रखवाली कर जे पवितर आत्मा केर शक्ति से तोके जिम्मा देवल जाय हे, आउर जे हमर में बसल अहे।

2 तीमुथियुस 1:16

उनेसिफुरुस केर घराना उपरे प्रभु दया करोक, काले कि उ मोर से भेंट करेक लगिन आलक आउर कायनों बेर मोर मदइत करलक। आउर जेहेल में हों आय के मोर से भेंट करेक से नी लजालक।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 2:9

जेकर चलते मोंय एगो पापी नियर जेहेल में दुःख सहाथों, काले कि मोंय शुभ समाचार केर परचार करोना, मगर केऊ आदमी परमेश्‍वर केर बचन के परचार करेक से रोकेक नी पारी।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 2:18

यीशु केर परीक्षा करल गेलक आउर उ खुद दुःख उठाय हे, से लगिन उ उमन केर हों मदइत करेक पारेला जेमन केर परीक्षा होवेला।

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।

1 पतरस 4:16

लेकिन अगर केखो मसीही होवेक केर चलते दुःख सहेक होवी, तो तोहरे इके लाजिम होवेक केर गोइठ ना समझा, मगर परमेश्‍वर केर महिमा करा कि तोहरे इ लगिन दुःख सहाथा कि तोहरेमन मसीह केर आदमीमन हेका।

1 पतरस 4:19

से लगिन जेमन उसन दुःख सहैना जइसन परमेश्‍वर चाहेला, उमन के परमेश्‍वर उपरे भरसा करेक चाही जे उमन के बनाय हे। परमेश्‍वर सोउब बेरा उ करेला जेके करेक केर करार उ काइर रहे, से लगिन जे बेस अहे उके करते रहा।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।