2 तीमुथियुस 1:10 - सादरी नवाँ नियम

¹⁰ अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

2 तीमुथियुस 1:10 Iomraidhean Croise

लूका 11:36

अगर तोहर गोटा काया इंजोत में अहे, आउर उकर कोनों भाग अंधार में नखे, तो तोहर काया सोउब दिन एइसनेहें इंजोत होवी, जइसन दीया अपन चमक से तोहरेमन के इंजोत देवेला।”

लूका 13:7

तब उ बारी केर रखवाला से कहलक, ‘देख, मोंय तीन साल से इ अंजीर केर गाँछ में फार खोजेक आवाथों, मगर मोके एको गो फार नी भेटालक, से लगिन इके काइट दे, इ बेस भूंई के बरबाद कराथे।’

लूका 2:11

आइज राजा दाऊद केर नगर बैतलेहम में तोहरेमन लगिन एगो छुटकारा देवाइया जनइम हे, आउर एहे मसीह प्रभु हेके।

यूहन्ना 1:9

जे सच्चा इंजोत हेके आउर सोउब आदमीमन के इंजोत करेला, दुनिया में आवेक वाला रहे।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 20:31

मगर इमन के इ लगिन लिखल जाय हे कि तोहरेमन उकर उपरे बिसवास करबा कि यीशु हें परमेश्‍वर केर बेटा मसीह हेके, आउर उकर उपरे बिसवास काइर के जुग-जुग केर जिंदगी के पावा।

यूहन्ना 4:42

आउर उ जनाना से कहलैं, “अब हमरे सिरिफ तोर कहेक से भइर बिसवास नी करिला। हमरे खुद हें उकर से सुइन लेई ही आउर हमरे जाइन गेली कि एहे सचमुच में दुनिया केर आदमीमन केर छुटकारा देवाइया हेके।”

यूहन्ना 5:40

फिन भी तोहरेमन जुग-जुग केर जिंदगी पावेक लगिन मोर ठिना आवेक नी चाहाला।

खास चेलामन केर काम 13:23

परमेश्‍वर अपन करार केर मोताबिक एहे राजा दाऊद केर बंश में इसराइल केर आदमीमन लगिन एगो छुटकारा देवाइया यीशु के भेजलक।

खास चेलामन केर काम 5:31

परमेश्‍वर उखे प्रभु आउर छुटकारा देवाइया ठहराय के अपन भतखाइया आरा बइठाय के उके ऊँचा पद देलक, ताकि उ इसराइली आदमीमन के पाप काम के छोड़ेक केर शक्ति आउर पापमन के क्षमा देवोक।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

रोमानियनमन 3:31

तो का हमरे मूसा केर नियम के बिसवास करेक केर चलते बेकार ठहराइला? निहीं! बिलकुल निहीं! काले कि जब हमरे बिसवास करिला, तो हमरे इ देखाइला कि हमरे बुइझ गेली कि परमेश्‍वर का लगिन मूसा केर नियम के देई हे।

रोमानियनमन 6:6

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

1 कुरिनथियनमन 15:26

सोउब से आखरी बैरी जे सत्यानाश करल जाई उ माउत हेके।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

2 कुरिनथियनमन 5:4

हमरे इ धरती केर काया में रहते हुए बोझ से दाइब के कुंहरते रहिला, काले कि हमरे इ धरती केर काया के छोड़ेक नी चाहिला, मगर परमेश्‍वर से एहो चाहिला कि हमरे के स्वरगीय काया देवोक, ताकि हमरे के इ पुरना काया केर बदली में, जे मोइर जाई एगो नवाँ काया मिली आउर जुग-जुग लगिन रही।

गलातियनमन 5:4

तोहरेमन जे मूसा केर नियम से धरमी ठहरेक चाहाला, तोहरे मसीह केर संगे अपन रिश्ता के तोइर देई हा आउर परमेश्‍वर केर किरपा के ठोकराय देई हा।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

तीतुस 2:11

काले कि परमेश्‍वर हरेक आदमीमन लगिन छुटकारा पावेक केर डहर देखाय के, इ बताय देई हे कि उ केतना किरपा करेक वाला हेके।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

तीतुस 3:4

मगर फिन भी हमर छुटकारा देवाइया परमेश्‍वर हमरे उपरे अपन दया आउर प्रेम देखालक।

इब्रानीमन 10:32

पिछला दिनमन के याइद करा जब तोहरे सच्चाई के जानला, तब तोहरे ढेइर पीड़ामन के साइह के कठिन दुःख उठाला आउर स्थिर रहला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 पतरस 1:11

आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

1 यूहन्ना 1:2

इ आदमी जे जिंदगी देवेला, धरती में आलक आउर हमरे उके देखली आउर उकर गवाही देवीला आउर तोहरेमन के उ जुग-जुग केर जिंदगी केर बारे में बताइला, जे आबा परमेश्‍वर केर संगे रहे आउर हमर उपरे दिस्तार होलक।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

प्रकाशितवाक्य 18:1

इकर पाछे मोंय एगो स्वरगदूत के स्वरग से उतरते देखलों, जेकर ठिना ढेइर शक्ति रहे आउर धरती उकर तेज रोशनी से चमइक गेलक।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 20:14

इकर पाछे माउत आउर मरणलोक आइग केर झील में साजल गेलैं। इ आइग केर झील तो दूसरा माउत हेके।

प्रकाशितवाक्य 22:14

धाइन हेकैं उमन, जेमन अपन लुगा के मेमना केर लोहू से धोई लेवैना, काले कि उमन के जीवन केर गाँछ ठिना आवेक केर अधिकार मिली आउर उमन फाटकमन से होई के नगर में ढूकबैं।

प्रकाशितवाक्य 22:17

आत्मा आउर दुलहिन दुइयो कहैना, “आव!” आउर सुनेक वालामन हों कहोक, “आव!” जे पियासा अहे, उ आवोक, आउर जे केऊ चाही, उ जीवन केर पानी मुफत में लेवोक।