2 तीमुथियुस 1:1 - सादरी नवाँ नियम

¹ इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

2 तीमुथियुस 1:1 Iomraidhean Croise

यूहन्ना 10:28

मोंय उमन के जुग-जुग केर जिंदगी देवोना। उमन कहियो नी मोरबैं आउर उमन के मोर से केऊ लुटेक नी पारी।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

यूहन्ना 6:40

काले कि मोर आबा परमेश्‍वर केर इच्छा इ हेके कि जे केऊ बेटा के, मतलब मोके देइख के मोर उपरे बिसवास करी, उके जुग-जुग केर जिंदगी मिली आउर मोंय उके आखरी दिन फिन जिंदा करमूँ।”

यूहन्ना 6:54

जे मोर माँस के खायला, आउर मोर लोहू के पियेला, जुग-जुग केर जिंदगी उकरे हेके, आउर आखरी दिन मोंय उके फिन जिंदा काइर देमूँ।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 5:21

जइसन एक आदमी केर पाप केर चलते माउत सोउब आदमीमन में फाइल गेलक, तइसनेहें हमर प्रभु यीशु मसीह केर चलते परमेश्‍वर केर किरपा हों हमरे के धरमी ठहरालक आउर जुग-जुग केर जिंदगी देवेला।

रोमानियनमन 6:23

काले कि पाप केर फल तो माउत हेके, मगर परमेश्‍वर जे बरदान हमरे के देवेला, उ हमर प्रभु मसीह यीशु में जुग-जुग केर जिंदगी हेके।

1 कुरिनथियनमन 1:1

इ चिट्ठी के मोंय पौलुस लिखाथों, मोंय परमेश्‍वर केर इच्छा से यीशु मसीह केर चुनल खास चेला बनेक लगिन बोलाल जाय हों, मोंय हिंयाँ हमर संगी बिसवासी भाई सोस्थिनेस केर संगे अहों जे मोर मदइत कराथे।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

2 कुरिनथियनमन 1:20

काले कि परमेश्‍वर केर जेतना करारमन अहे उ सोउब मसीह में हाँ केर साथ पूरा होलक, आउर से लगिन हमरे यीशु मसीह केर द्वारा से परमेश्‍वर केर महिमा लगिन आमीन कहिला।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 3:28

अब ना केऊ यहूदी रहलक आउर ना यूनानी, ना केऊ गुलाम, ना आजाद, ना केऊ नर आउर ना नारी, काले कि तोहरेमन सोउब मसीह यीशु में एक हेका।

इफिसियनमन 3:6

मतलब परमेश्‍वर केर योजना इ हेके कि यीशु मसीह में जुड़ल जाएक केर चलते परजाइत आदमीमन हों ओहे आशीष के पाबैं, जेके यहूदीमन लगिन देवल जाय हे। अब उमन एके काया मतलब कलीसिया केर अंग होई गेलैं। आउर परमेश्‍वर केर करार जेके यहूदीमन लगिन देवल जाय रहे, उकरो हकदार होई गेलैं।

1 तीमुथियुस 6:19

एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:3

यीशु मसीह केर एगो बेस फौजी नियर मोर संगे दुःख सह।

2 तीमुथियुस 3:15

जब तोंय एगो छोटका छउवा रहिस, सेहे बेरा से पवितर किताब केर गोइठमन के तोंय सीख हिस। जे तोके इ बुझेक में मदइत करेला कि जब तोंय यीशु मसीह उपरे बिसवास करिसला तो परमेश्‍वर तोके बचायला।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

इब्रानीमन 9:15

एहे खातिर मसीह नवाँ करार केर मिलाएक वाला हेके, ताकि जेमन के परमेश्‍वर बटले बोलाल जाय हे उमन जुग-जुग केर आशीषमन के पाओक, जेकर करार परमेश्‍वर काइर हे। एइसन इ लगिन करेक परायला, काले कि मसीह उमन के, उ पापमन केर दंड से छुटकारा देवेक लगिन प्राण देलक, जे पापमन के उमन पहिला करार केर समय में काइर रहैं।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।