2 थिस्सलुनीकियनमन 3:8 - सादरी नवाँ नियम

⁸ हमरे केकरो रोटी मुफत में नी खाली, मगर कष्ट आउर मेहनइत से राइत दिन काम धंधा करत रही, जेकर से हमरे के अपन जरुरतमन के पूरा करेक लगिन केकरो उपरे भरसा करेक नी पड़लक।

2 थिस्सलुनीकियनमन 3:8 Iomraidhean Croise

मत्ती 6:11

हमरे के रोज दिन ओतनेहें रोटी दे, जेतना हमरे के उ दिन लगिन जरुरत अहे।

खास चेलामन केर काम 18:3

पौलुस आउर अक्विला दुयो केर काम एक हें रहे, तंबू बनाएक केर काम। से लगिन पौलुस उमन केर संगे रइह के काम करेक लगलक।

खास चेलामन केर काम 20:34

तोहरे खुद हें जानाला कि मोंय अपन आउर अपन संगमन केर जरुरत के पूरा करेक लगिन अपन एहे हाँथ से काम करलों।

1 कुरिनथियनमन 4:12

हमरे अपनेहें हाँथमन से काम काइर के मेहनइत करिला। आदमीमन हमरे के बुरा कहैना मगर हमरे उमन के आशीष देवीला, उमन हमरे के सतायना मगर हमरे सहिला।

1 कुरिनथियनमन 9:4

का मोंय पौलुस आउर बरनाबास के पइसा-कौड़ी से मदइत पावेक केर अधिकार नखे?

2 कुरिनथियनमन 11:27

मेहनइत आउर दुःख में, घरी-घरी जागते रहेक में, भूख-पियास में, घरी-घरी उपास करेक में, जाड़ में, लुगा केर घटी में।

2 कुरिनथियनमन 11:9

आउर जब मोंय तोहर संगे रहों, आउर मोके रुपया केर घटी होलक तो मोंय केखो बोझा नी देलों, काले कि बिसवासी भाईमन मकिदुनिया परदेस से आय के मोर घटी के पूरा करलैं, आउर मोंय कोनों गोइठ में तोहरे उपरे बोझा नी बनलों आउर आवेक वाला दिन में हों नी बनमूँ।

इफिसियनमन 4:28

चोरी करेक वाला फिन चोरी ना करोक, बल्कि उके अपन हाँथ से ईमानदारी से काम करेक चाही, ताकि गरीबमन के देवेक ले उकर ठिना भरपूर चीजमन रहोक।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1थिस्सलुनीकियनमन 4:11

आउर जइसन हमरे तोहरेमन के आगया देई ही, तइसनेहें शांति से रहा आउर दोसरमन केर काम में दखल ना देवा आउर अपन-अपन हाँथ से कमाएक केर कोशिश करा।

2 थिस्सलुनीकियनमन 3:12

एइसनमन के हमरे उ अधिकार से जेके प्रभु यीशु मसीह हमरे के देई हे आगया देवीला आउर समझाइला कि चुपचाप काम काइर के अपनेहें कमाई केर रोटी खावा।