2 थिस्सलुनीकियनमन 3:10 - सादरी नवाँ नियम

¹⁰ जब हमरे तोहर संगे रही तब तोहरे के आगया देई रही, अगर केऊ कोनों काम करेक नी चाहेला, तो उके कोनों खाएक ले ना देवल जाओक।

2 थिस्सलुनीकियनमन 3:10 Iomraidhean Croise

लूका 24:44

फिन यीशु उमन से कहलक, “इ गोइठमन के मोंय तोहर संगे रहेक बेरा हें तोहरेमन के बताय रहों कि मोर बारे में जेतना गोइठमन मूसा केर नियम, परमेश्‍वर केर संदेश के बताएक वालामन आउर भजन संहिता केर किताबमन में लिखल अहे, उ सोउब पूरा होवेक जरुरी अहे।”

यूहन्ना 16:4

मगर इ गोइठमन के मोंय इ लगिन तोहरेमन से कहलों कि जब उमन केर समय आवी, तो तोहरेमन के याइद आय जाओक कि मोंय तोहरेमन के उकर बारे में आगे हें बताय देई रहों। आउर जब तोहरेमन शुरु में मोर चेला बनला तब इ गोइठमन के इ लगिन नी बतालों, काले कि मोंय तोहर संगे रहों।

खास चेलामन केर काम 20:18

जब उमन उकर ठिना आलैं तो पौलुस उमन से कहलक, “तोहरे जानाला कि आसिया परदेस में मोर आवेक केर पहिला दिन से हें मोर ब्यवहार तोहर संगे का लेखे रहलक।

1थिस्सलुनीकियनमन 3:4

हमरे पहिलेहें जब तोहरे ठिना रही तो तोहरेमन के कहत रही कि हमरे उपरे सताव आवी, आउर एइसनेहें होलक जेके तोहरेमन हों जानाला।

1थिस्सलुनीकियनमन 4:11

आउर जइसन हमरे तोहरेमन के आगया देई ही, तइसनेहें शांति से रहा आउर दोसरमन केर काम में दखल ना देवा आउर अपन-अपन हाँथ से कमाएक केर कोशिश करा।

2 थिस्सलुनीकियनमन 2:5

इ गोइठमन के तोहरे के जरूर हें याइद होवी कि मोंय तोहर संगे रहों, तो तोहरे के अक्सर बतात रहों।