2 थिस्सलुनीकियनमन 3:1 - सादरी नवाँ नियम

¹ हे भाईमन, आखरी गोइठ इ हेके कि हमर लगिन प्रार्थना करते रहा ताकि हमरे जल्दी हें सोउब ठाँव में प्रभु यीशु मसीह केर संदेश के फैलाएक पारब, आउर आदमीमन इकर उपरे ओइसनेहें बिसवास करोक जइसन तोहरे काइर रहा।

2 थिस्सलुनीकियनमन 3:1 Iomraidhean Croise

मत्ती 9:38

से लगिन प्रभु जे खेत केर मालिक हेके उकर से प्रार्थना करा कि उ अपन खेती के काटेक लगिन अपन संदेश के बताएक वालामन के भेजोक।”

लूका 10:2

आउर यीशु अपन चेलामन से कहलक, “जइसन खेतमन में अन्न पाइक जाय हे, मगर कटइयामन थोर अहैं। तइसनेहें ढेइर आदमीमन परमेश्‍वर केर संदेश के सुइन के बिसवास करेक ले तेयार अहैं। मगर उमन के परमेश्‍वर केर राइज केर बारे में बताएक लगिन आदमीमन थोर अहैं। से लगिन परमेश्‍वर से प्रार्थना करा कि उ अपन संदेश के बताएक वालामन के भेजोक।

खास चेलामन केर काम 12:24

मगर परमेश्‍वर केर बचन फैलते गेलक आउर बिसवासी आदमीमन केर गिनती हों बढ़ते गेलक।

खास चेलामन केर काम 19:20

इ लेखे प्रभु केर बचन शक्ति से फैलते गेलक आउर मजबूत होते गेलक।

खास चेलामन केर काम 6:7

आउर परमेश्‍वर केर बचन फैलते गेलक आउर यरुशलेम शहर में चेलामन केर गिनती बढ़ते गेलक आउर कायनों झन यहूदी पुरोहितमन हों यीशु मसीह केर उपरे बिसवास केर इ संदेश के मानलैं।

रोमानियनमन 15:30

आउर हे बिसवासी भाईमन, मोंय प्रभु यीशु मसीह केर नाँव में तोहरे से बिनती करोना कि परमेश्‍वर से मोर लगिन प्रार्थना काइर के, मोर कठिन मेहनइत में शामिल होवा। इ सोउब तोहरे इ लगिन करा, काले कि तोहरे मोर से प्रेम कराला, जे प्रेम पवितर आत्मा बटले तोहरे के देवल जाय हे।

1 कुरिनथियनमन 16:9

काले कि हिंयाँ प्रभु केर सेवा करेक लगिन मोर ठिना एगो बढ़ियाँ मोका अहे, जबकि ढेइर आदमीमन मोर बिरोध में अहैं।

2 कुरिनथियनमन 1:11

जइसन कि तोहरेमन प्रार्थना करेक केर द्वारा हमर मदइत कराला, ताकि जे आशीषमन ढेइर आदमीमन केर जरिया से हमरे के मिललक, उकर हें जरिया से ढेइर आदमीमन हमर बटले परमेश्‍वर के धन्यबाद देबैं।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 1:8

काले कि तोहर हिंयाँ से ना सिरिफ मकिदुनिया परदेस आउर अखया परदेसमन में प्रभु केर बचन सुनाल गेलक, मगर तोहर बिसवास केर चरचा जे परमेश्‍वर उपरे अहे, हर जगा एइसन फाइल जाय हे कि हमरे के तोहरे केर बिसवास केर बारे में दोसरमन के कोनों बताएक केर जरुरत नखे।

1थिस्सलुनीकियनमन 2:1

हे भाईमन, तोहरेमन खुद हें जानाला कि हमरे केर तोहर ठिना आवेक बेकार नी होलक।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

1थिस्सलुनीकियनमन 5:17

सोउब बेरा प्रार्थना करेक में लगल रहा।

1थिस्सलुनीकियनमन 5:25

हे भाईमन, हमर लगिन प्रार्थना करा।

2 तीमुथियुस 2:9

जेकर चलते मोंय एगो पापी नियर जेहेल में दुःख सहाथों, काले कि मोंय शुभ समाचार केर परचार करोना, मगर केऊ आदमी परमेश्‍वर केर बचन के परचार करेक से रोकेक नी पारी।