2 थिस्सलुनीकियनमन 2:8 - सादरी नवाँ नियम

⁸ इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

2 थिस्सलुनीकियनमन 2:8 Iomraidhean Croise

मत्ती 13:19

जे केऊ परमेश्‍वर केर राइज केर बचन के सुइन के नी बुझेला, उ आदमी डहर किनारे केर भूंई नियर अहे, उके जे कोनों बचन बताल जाय रहे, शैतान आय के उकर मन से बचन के निकलाय देवेला आउर उ बुझेक नी पारेला।

मत्ती 13:38

खेत दुनिया हेके, बेस बिहीन परमेश्‍वर केर राइज केर आदमीमन हेकैं। आउर जंगली बिहीन शैतान केर आदमीमन हेकैं।

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

1 कुरिनथियनमन 1:28

आउर परमेश्‍वर दुनिया केर नीचमन के, तुच्छमन के, आउर जेमन कोनोवें ना लगैं सेमन के चुइन लेई हे, ताकि जेमन अपने के खास समझैना उमन के बेकार ठहराओक।

2 थिस्सलुनीकियनमन 2:3

प्रभु केर आवेक केर बारे में इ सोउब गलत गोइठमन में बिसवास ना करा, जेकर बारे में आदमीमन तोहरेमन के बताथैं। काले कि प्रभु यीशु केर घूइर आवेक से पहिले एइसन समय आवी कि ढेइर आदमीमन परमेश्‍वर केर बिरोध में हुड़दंग मचाबैं, आउर अधरमी आदमी मतलब बिनाश केर बेटा हों दिस्तार होवी।

1 तीमुथियुस 6:14

कि तोंय उ सोउब कुछ के कर जेके पूरा करेक लगिन परमेश्‍वर तोके आगया देई हे, ताकि केऊ हों प्रभु यीशु मसीह केर धरती में घूइर आवेक तक, तोर उपरे कोनों गलत करेक केर दोष ना लगाएक पारोक।

2 तीमुथियुस 1:10

अब हमर छुटकारा देवाइया यीशु मसीह आय जाहे आउर हमरे के अपन किरपा देखाय हे। उ माउत केर शक्ति के नाश काइर देलक, आउर शुभ समाचार केर शक्ति से जुग-जुग केर जिंदगी पावेक लगिन डहर देखालक।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 10:27

मगर उमन लगिन परमेश्‍वर केर भयानक न्याय आउर हिदकल आइग, जे उकर बिरोधीमन के नाश काइर देवेला, बचल अहे।

1 यूहन्ना 2:13

हे आबामन, मोंय तोहरेमन के इ लगिन लिखाथों काले कि तोहरेमन मसीह के जानाला जे शुरु से अहे। हे जवानमन, मोंय तोहरेमन के इ लगिन लिखाथों कि तोहरेमन उ शैतान उपरे जय पाय हा जे सोउब बुराई केर कारण हेके। हे दुलार छोंड़ामन, मोंय तोहरे के इ लगिन लिखाथों, काले कि तोहरे आबा परमेश्‍वर के जाइन जाय हा।

1 यूहन्ना 3:12

आउर आदम केर बेटा कैन केर नियर नी बनब जे दुष्ट शैतान बटले रहे, आउर जे अपन भाई हाबील के माइर मोरालक। उ अपन भाई के का लगिन मोरालक? उ एइसन इ लगिन करलक काले कि उकर काम बुरा रहे आउर उकर भाई केर काम धरम केर रहे।

1 यूहन्ना 5:18

हमरेमन जानिला कि जे केऊ परमेश्‍वर केर संतान हेके उ पाप करते नी रहेला, मगर परमेश्‍वर केर बेटा यीशु उकर रक्षा करते रहेला आउर दुष्ट शैतान उके छुवेक हों नी पारेला।

प्रकाशितवाक्य 1:16

उ अपन भतखाइया हाँथ में सात गो तइरगन लेई रहे, आउर उकर मुँह से दुइयो आरा तेज धार वाला एगो तलवाइर निकलत रहे। उकर मुँह एइसन चमकत रहे, जइसन बेइर कलवा बेरा चमकेला।

प्रकाशितवाक्य 13:5

उ जानवर के घमंड से भरल गोइठ कहेक आउर परमेश्‍वर केर निंदा करेक केर अधिकार आउर बेयालिस महिना तक काम करेक केर अधिकार देवल गेलक।

प्रकाशितवाक्य 19:15

जाइत-जाइत केर आदमीमन के मारेक लगिन उकर मुँह से एक चोखा तलवाइर बाहरे निकलत रहे। उ राइज करेक वाला लोहा केर लाठी लेई के उमन उपरे राइज करी, आउर सर्वशक्तिमान परमेश्‍वर केर भयानक परकोप केर मदिरा केर कुंड में अंगूर केर रस रौंदी।

प्रकाशितवाक्य 2:16

से लगिन पाप करेक छोइड़ दे, निहीं तो मोंय तोर ठिना जल्दी हें आय के, अपन मुँह केर तलवाइर से उमन केर संगे लाड़मूँ।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।