2 थिस्सलुनीकियनमन 2:7 - सादरी नवाँ नियम

⁷ अधरम केर भेद तो एखन हों काम करते जाथे, मगर एखन एगो रोकेक वाला अहे, आउर जब तक उ दूर नी होई जाई, उ रोकल रही।

2 थिस्सलुनीकियनमन 2:7 Iomraidhean Croise

खास चेलामन केर काम 20:29

मोंय जानोना कि मोर जाएक केर पाछे झूठा शिक्षा देवेक वाला आदमीमन आबैं आउर बिसवासी आदमीमन के ढेइर नोकसान पोंहचाबैं। उमन एइसन होबैं जइसन फाइर खाएक वाला भेड़ियामन, जे भेड़ीमन के फाइर खायना।

2 थिस्सलुनीकियनमन 2:6

आउर तोहरे जानाला कि कोन चीज उके रोइक के राइख हे, काले कि उ ओहे बेरा दिस्तार होवी जखन उकर समय आवी।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 यूहन्ना 2:18

हे दुलार छउवामन, इ आखरी समय हेके आउर जइसन तोहरेमन सुइन हा कि मसीह केर बिरोधी आवेक वाला अहे, उकर मोताबिक एखन हों ढेइर मसीह केर बिरोध करेक वालामन उइठ ठड़ाय हैं। इकर से हमरे जानिला कि इ आखरी समय हेके।

1 यूहन्ना 4:3

जे आत्मा प्रभु यीशु के नी मानेला उ परमेश्‍वर बटले ना लगे आउर ओहे तो मसीह केर बिरोधी आत्मा हेके, जेकर चरचा तोहरेमन सुइन चुइक हा कि उ अवाइया अहे आउर एखन हों इ दुनिया में अहे।

प्रकाशितवाक्य 17:5

उकर माथा उपरे एक नाँव लिखल रहे जेकर मतलब लुकल रहे। इ लेखे रहे, “महान देस बेबीलोन धरती केर बेश्यामन आउर घिनघिना चीजमन केर आयो।”

प्रकाशितवाक्य 17:7

तब उ स्वरगदूत मोर से कहलक, “तोंय काले ताजुब होले? मोंय इ जनाना, आउर उ जानवर केर, जेकर उपरे उ चढ़ल अहे, आउर जेकर सात गो मूँड़ आउर दस गो सींग अहे, तोके भेद बतावना।