2 थिस्सलुनीकियनमन 2:5 - सादरी नवाँ नियम

⁵ इ गोइठमन के तोहरे के जरूर हें याइद होवी कि मोंय तोहर संगे रहों, तो तोहरे के अक्सर बतात रहों।

2 थिस्सलुनीकियनमन 2:5 Iomraidhean Croise

मत्ती 16:9

का तोहरेमन एखन तक हों मोर बारे में नी बुइझ हा? का तोहरेमन के पाँच हजार आदमीमन आउर पाँच गो रोटी केर याइद नखे, आउर का एहो याइद नखे कि तोहरेमन खँड़ाल टुकरामन के, जे बाइच जाय रहे, उके काय डाली उठाय रहा?

मरकुस 8:18

का तोहरेमन केर आँइख अंधरा आउर तोहरेमन केर कान बहिरा अहे? आउर का तोहरेमन के याइद नखे।

यूहन्ना 16:4

मगर इ गोइठमन के मोंय इ लगिन तोहरेमन से कहलों कि जब उमन केर समय आवी, तो तोहरेमन के याइद आय जाओक कि मोंय तोहरेमन के उकर बारे में आगे हें बताय देई रहों। आउर जब तोहरेमन शुरु में मोर चेला बनला तब इ गोइठमन के इ लगिन नी बतालों, काले कि मोंय तोहर संगे रहों।

खास चेलामन केर काम 20:31

से लगिन इके याइद करते रहा आउर सावधान रहा कि तीन बरिस तक दिन-राइत आँसू बहाय-बहाय के तोहर में से हरेक झन के चेताते रहलों।

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

1थिस्सलुनीकियनमन 2:11

तोहरेमन जानाला कि जइसन आबा अपन छउवामन केर संगे ब्यवहार करेला, तइसनेहें हमरे हों तोहर में से हरेक झन के उपदेस देते, उसकाते आउर समझाते रही।

1थिस्सलुनीकियनमन 3:4

हमरे पहिलेहें जब तोहरे ठिना रही तो तोहरेमन के कहत रही कि हमरे उपरे सताव आवी, आउर एइसनेहें होलक जेके तोहरेमन हों जानाला।

2 थिस्सलुनीकियनमन 2:6

आउर तोहरे जानाला कि कोन चीज उके रोइक के राइख हे, काले कि उ ओहे बेरा दिस्तार होवी जखन उकर समय आवी।

2 थिस्सलुनीकियनमन 3:10

जब हमरे तोहर संगे रही तब तोहरे के आगया देई रही, अगर केऊ कोनों काम करेक नी चाहेला, तो उके कोनों खाएक ले ना देवल जाओक।

2 पतरस 1:15

इ लगिन मोंय इ गोइठमन के तोहरे के बताएक लगिन एइसन कठिन मेहनइत कराथों ताकि मोर मोरेक केर पाछे सोउब बेरा इमन के याइद करेक पारबा।