2 थिस्सलुनीकियनमन 2:2 - सादरी नवाँ नियम

² तोहरेमन अचका कोनों भविष्यवाणी या उपदेस सुइन के या कोनों चिट्ठी पइढ़ के, जेमन के हमरे बटले लिखल जाय हे समझल जायला, अपन बिवेक के हेराय ना देबा, जेमन में बताल जाय हे कि प्रभु केर दिन आय चुइक हे, तोहरे अपन मन में ना घबरावा।

2 थिस्सलुनीकियनमन 2:2 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मरकुस 13:7

आउर जब तोहरेमन लड़ाईमन आउर लड़ाईमन केर गोइठमन के सुनबा तो ना घबराबा, काले कि इमन केर होवेक जरुरी अहे, मगर उ समय दुनिया केर अंत नी होवी।

लूका 21:19

तोहरेमन दुःख तकलीफ केर आखरी बेरा तक मोर उपरे भरसा कराला आउर हार नी मानाला। से लगिन अपन जीउ के बचाय लेबा।

लूका 21:9

आउर जब तोहरेमन लड़ाई आउर मार-पीट केर गोइठमन के सुनबा, तो ना घबराबा। काले कि पहिले इ मनक होवेक जरुरी अहे, मगर उ बेरा तुरते दुनिया केर अंत नी होवी।”

यूहन्ना 14:1

यीशु आगे कहलक, “तोहरेमन ना अकबकाबा, परमेश्‍वर केर उपरे बिसवास करा आउर मोर उपरे हों बिसवास करा।

यूहन्ना 14:27

मोंय तोहरेमन के शांति देई के जाथों, अपन शांति तोहरे के देवाथों, इ उ शांति ना लगे जेके दुनिया देवेला, तोहर जीउ ना घबराओक आउर ना डराओक।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 14:32

एगो परमेश्‍वर केर संदेश के बताएक वाला खुद के काबू करेला कि का गोठियाएक अहे आउर का गोठियाएक नखे।

1 कुरिनथियनमन 7:26

कठिनाईमन केर चलते, जे बिसवासीमन केर जिंदगी में आइज काइल सोउब ठिना होवाथे, मोंय तोहरेमन लगिन भला सोचाथों कि जेमन सादी नी काइर हैं उमन सादी ना करोक।

इफिसियनमन 5:6

केऊ तोहरेमन के इ कइह के धोखा ना देवोक कि परमेश्‍वर उमन के दंड नी देवी, जेमन एइसन पाप करैना। काले कि एहे काममन के करेक केर चलते परमेश्‍वर केर खीस आगया नी मानेक वालामन उपरे भड़केला।

1थिस्सलुनीकियनमन 3:3

ताकि केऊ इ दुःखमन केर चलते बिसवास के छोइड़ ना देवोक, काले कि तोहरेमन खुद जानाला कि हमरे के दुःख उठाएक पड़ी।

1थिस्सलुनीकियनमन 4:15

काले कि हमरे प्रभु यीशु केर बचन केर मोताबिक तोहरेमन से इ कहिला कि जेमन बिसवास में मोइर जाय हैं, उमन पहिले प्रभु से मिलेक पारबैं। उकर पाछे हमरेमन जे जिंदा अही आउर प्रभु यीशु केर आवेक तक बचल रहब, तो प्रभु केर संगे भेंट करेक पारब।

1थिस्सलुनीकियनमन 5:2

काले कि तोहरेमन खुद ठीक जानाला कि जइसन चोर राइत के अचका आवेला, तइसनेहें प्रभु यीशु हों अचका आवेक वाला अहे।

2 थिस्सलुनीकियनमन 2:15

से लगिन हे भाईमन, स्थिर रहा, आउर जे-जे गोइठमन केर शिक्षा हमरे तोहरेमन के आमने-सामने, चाहे चिट्ठी से देई ही उकर में बिसवास करते रहा।

2 थिस्सलुनीकियनमन 3:17

मोंय पौलुस अपन हाँथ से जोहार लिखोना, मोंय अपन सोउब चिट्ठीमन केर आखरी में एहे नियर लिखोना ताकि सोउबमन के पता चाइल जाओक कि इ चिट्ठी मोर बटले लिखल जाय हे।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।