2 थिस्सलुनीकियनमन 2:16 - सादरी नवाँ नियम

¹⁶ हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

2 थिस्सलुनीकियनमन 2:16 Iomraidhean Croise

लूका 16:25

मगर अब्राहम कहलक, ‘हे बेटा, याइद कर कि तोके अपन जिंदगी में सुख हें सुख मिललक, मगर लाजर के दुःख हें दुःख मिललक। अब इके हिंयाँ शांति मिलाथे आउर तोंय तड़पाथिस।

यूहन्ना 13:1

यहूदी मनक फसह परब से आगे हें यीशु जाइन गेलक कि उकर लगिन इ दुनिया के छोइड़ के अपन आबा परमेश्‍वर ठिना घूइर जाएक केर बेरा आय पोंहइच हे। से लगिन अपन आदमीमन से, जे इ दुनिया में रहैं, जेमन से उ प्रेम करत रहे आखरी समय तक प्रेम करलक।

यूहन्ना 15:13

सोउब से बड़का प्रेम जे तोहरे अपन संगीमन केर लगिन देखाएक पाराला, उ इ हेके कि उमन लगिन जान के देवेक। इकर से बड़का प्रेम आउर कोनों नखे।

यूहन्ना 15:9

जे नियर आबा परमेश्‍वर मोर से प्रेम काइर हे, सेहे नियर मोंय हों तोहरेमन से प्रेम काइर हों, मोर प्रेम में बनल रहा।

यूहन्ना 16:22

एहे लेखे तोहरेमन एखन दुःख में अहा, मगर मोंय तोहरेमन के फिन देखमूँ, आउर तोहरेमन खुश होई जबा। आउर तोहर इ खुशी के केऊ लुटेक नी पारी।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 4:14

मगर जे केऊ मोर देवल पानी के पियी, उके कहियो पियास नी लगी। जे पानी मोंय उके देमूँ, उ उकर में पानी केर सोता बाइन जाई आउर इ सोता से पानी निकलते रही, जे उके जुग-जुग केर जिंदगी देवी।”

खास चेलामन केर काम 15:11

हाँ, हमरे केर बिसवास तो इ अहे कि प्रभु यीशु केर किरपा से हमरे जे लेखे छुटकारा पाय ही, ओहे लेखे से उमन हों छुटकारा पाबैं।”

खास चेलामन केर काम 18:27

जब अपुल्लोस समुदर पार अखया परदेस जाएक केर ठाइन लेलक तो बिसवासी भाईमन उके ढाढ़स देलैं आउर अखया परदेस केर चेलामन के चिट्ठी लीख के बिनती करलैं कि उमन उकर स्वागत करोक। से लगिन जब अपुल्लोस अखया परदेस में पोहोंचलक तो उ नवाँ बिसवासीमन के जेमन प्रभु केर किरपा केर चलते बिसवासी बाइन रहैं, बिसवास में बढ़ेक लगिन ढेइर मदइत करलक।

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 4:16

करार परमेश्‍वर उपरे बिसवास में टिकल अहे, परमेश्‍वर अपन करार केर आसरा अपन किरपा से देवेला। इ करार ना सिरिफ अब्राहम केर बंशमन लगिन अहे जेमन मूसा केर नियम के मानैना, मगर जेमन अब्राहम केर नियर परमेश्‍वर उपरे बिसवास करैना उमन सोउब अब्राहम केर बंश हेकैं। उ हमरे सोउब केर पुरखा हेके।

रोमानियनमन 4:4

काम करइयामन के मजूरी देवेक दान निहीं मगर उ मनक हक समझल जायला।

रोमानियनमन 5:8

मगर परमेश्‍वर हमर उपरे अपन प्रेम केर भलाई इ रीति से दिस्तार करेला कि जब हमरे पापी हें रही तब मसीह हमर लगिन अपन प्राण देलक।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इफिसियनमन 5:25

हे पतिमन, अपन-अपन जनाना से प्रेम करा, जइसन कि मसीह हों कलीसिया से प्रेम काइर के उके शुद्ध करेक ले खुद के उकर लगिन देई देलक।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 3:11

हमरे प्रार्थना करिला कि हमर आबा परमेश्‍वर आउर हमर प्रभु यीशु मसीह तोहर ठिना आवेक लगिन हमरे केर अगुवाई करोक।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 7:19

(इ लगिन कि मूसा केर नियम कोनों गोइठ के सिद्ध करेक नी पारलक) आउर उकर ठाँव में हमरे ठिना यीशु मसीह में एइसन बेस आसरा अहे, जेकर से हमरे परमेश्‍वर ठिना पोंहचेक पारिला।

1 यूहन्ना 3:16

हमरेमन प्रेम के इकरे से जानली कि यीशु हमर लगिन अपन प्राण के देई देलक। एहे लगिन हमरेमन के हों अपन बिसवासी भाई-बहिनमन लगिन अपन प्राण के देवेक चाही।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 22:5

हूवाँ कहियो राइत नी होवी आउर उमन के दीया आउर बेइर केर इंजोत केर दरकार नी होवी, काले कि प्रभु परमेश्‍वर उमन के इंजोत देई, आउर उमन जुग-जुग राइज करबैं।

प्रकाशितवाक्य 3:9

देख, मोंय शैतान केर उ सभा केर आदमीमन के तोर वश में काइर देमूँ जे यहूदी बाइन बाइठ हैं, मगर ना लगैं, उमन झूठ कहैना, देख, मोंय एइसन करमूँ कि उमन आय के तोर पाँव में गिरबैं आउर इ जाइन लेबैं कि मोंय तोर से प्रेम करोना।