Biblia Todo Logo
Bìoball air-loidhne

- Sanasan -




2 थिस्सलुनीकियनमन 2:10 - सादरी नवाँ नियम

10 उ सोउब रकम केर बुराई काम करी आउर उमन के धोखा देवी, जेमन परमेश्‍वर बटले नाश करल जबैं। उमन सच्चाई उपरे बिसवास करेक से इनकार करैना जे उमन के बचाएक पारेला।

Faic an caibideil Dèan lethbhreac




2 थिस्सलुनीकियनमन 2:10
29 Iomraidhean Croise  

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।


काले कि परमेश्‍वर अपन बेटा के दुनिया में आदमीमन के नाश करेक लगिन निहीं मगर उमन के बचाएक लगिन भेइज हे।


मगर मोंय अपन बारे में आदमी मनक मुँह से गवाही सुनेक नी चाहोना, सेकरो में मोंय तोहरेमन के उ गवाही केर बारे में बताय हों, जेके यूहन्ना बपतिस्मा जल संस्कार देवेक वाला देई रहे ताकि तोहरेमन बाइच जबा।


हे मोर बिसवासी भाईमन, मोर इ इच्छा अहे कि मोर अपन आदमी इसराइलीमन छुटकारा पाओक, इकर लगिन मोंय परमेश्‍वर से प्रार्थना करोना।


काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।


पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।


काले कि जे आदमीमन दंड पावेक लगिन परमेश्‍वर से अलग होई जाय हैं, उमन सोचैना कि क्रूस उपरे यीशु मसीह केर माउत बेकार अहे, मगर हमरेमन लगिन जेमन उ संदेश उपरे बिसवास काइर ही, इ परमेश्‍वर केर शक्ति से आदमीमन के बचाएक लगिन परमेश्‍वर केर डहर हेके।


हे हमरे केर प्रभु, आव!


काले कि एइसन आदमीमन यीशु केर चुनल खास चेला ना लगैं, उमन छल से काम करेक वालामन आउर मसीह केर चुनल खास चेलामन केर रूप धारेक वालामन हेकैं।


से लगिन अगर उकर सेवकमन हों, धरमी बनाएक वाला केर सेवकमन नियर रूप धरबैं, तो कोनों बड़का गोइठ ना लगे, मगर उ मनक अंत उमन केर काममन केर मोताबिक होवी।


काले कि हमरे परमेश्‍वर लगिन मसीह केर द्वारा जलाल धूप नियर हेकी, आउर संदेश जे हमरे केर द्वारा परचार करल जायला, उ सुगंध नियर हेके, जे छुटकारा पावल आउर छुटकारा नी पावल सोउब आदमीमन में फाइल जायला।


काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।


ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।


आउर उमन परजाइत आदमीमन से उमन केर छुटकारा लगिन गोठियाएक से हमरे के मना करैना, आउर जब तक परमेश्‍वर उ उमन के सजा नी देवी तब तक उमन पाप उपरे पाप कमाते जायना, आखरी में परमेश्‍वर उमन के भयानक सजा देवी।


आउर परमेश्‍वर उ सोउब आदमीमन के दोषी ठहराई, जेमन सच्चा संदेश उपरे बिसवास नी करैना, मगर अधरम से प्रेम करैना।


हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।


उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।


बल्कि जखनोहों तोहरे सुनाला कि पवितर किताब कहेला, “आइज केर दिन तक,” तो तोहरे हर दिन एक दोसर के बेस जिंदगी जियेक लगिन उसकाते रहा, एइसन ना होवोक कि तोहर में से केऊ आदमी पाप केर धोखा में आय के कठोर होई जाओक।


मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।


जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।


Lean sinn:

Sanasan


Sanasan