2 थिस्सलुनीकियनमन 1:9 - सादरी नवाँ नियम

⁹ उमन जुग-जुग लगिन प्रभु से अलग होई जबैं आउर उकर तेज चमक केर शक्ति में भागीदार नी होबैं। प्रभु यीशु उमन के जुग-जुग लगिन बिनाश केर दंड देवी।

2 थिस्सलुनीकियनमन 1:9 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 22:13

तब राजा धांगरमन से कहलक, ‘इकर हाँथ-गोड़ बाइंध के बाहरे अंधार में फेइक देवा, हूवाँ काँदेक आउर दाँत केटरेक होवी।’

मत्ती 24:30

तब मोंय आदमी केर बेटा केर चिन्हा आकाश में दिसी, आउर दुनिया केर सोउब आदमीमन शोक करबैं, आउर मोंय आदमी केर बेटा के बड़का शक्ति आउर तेज चमक केर संगे आकाश केर बदरी में आते देखबैं।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 25:46

आउर लेंगा बटे केर आदमीमन जुग-जुग केर दंड भोगबैं मगर धरमी आदमीमन जुग-जुग केर जिंदगी पाबैं।”

मत्ती 26:24

काले कि मोंय आदमी केर बेटा लगिन तो जइसन मोर बारे में पवितर किताब में लिखल अहे, ओहे लेखे होवी। मगर उ आदमी जे मोके धोखा देई के धरुवाय देवी, उकर लगिन हाय! उकर ले एहे बेस होतक कि उकर जनम हें नी होतक।”

मत्ती 7:23

सेखन मोंय उमन से सोझे कइह देमूँ कि ‘मोंय तोहरेमन के कहियो नी जानलों कि तोहरेमन मोर हेका। हे बुरा काम करेक वाला आदमीमन, मोर ठिना से चाइल जावा।’

लूका 13:27

मगर उ तोहर से कही, ‘मोंय तोहर से कहाथों, मोंय तोहरेमन के नी जानोना, तोहरेमन कहाँ से आय हा। हे बुरा काम करेक वाला आदमीमन, तोहरेमन सोउब मोर ठिना से दूर होई जावा।’

यूहन्ना 5:14

थोरेक देरी केर पाछे यीशु के उ यहूदी मनक मंदिर केर अंगना में मिललक, तब यीशु उकर से कहलक, “देख, तोंय तो ठीक होई जाहिस। फिन पाप ना करबे, कहीं एइसन ना होवोक कि इकरो से आउर भारी बिपाइत तोर उपरे आय जाई।”

फिलिप्पियनमन 3:19

उ मनक अंत बिनाश हेके, काया केर जरुरत हें उ मनक ईश्‍वर हेके, उमन अपन लाज केर काममन उपरे घमंड करैना, आउर दुनिया केर चीजमन उपरे सोचते रहैना।

1थिस्सलुनीकियनमन 5:3

जब आदमीमन कहबैं कि सोउब कुछ ठीक अहे, आउर कोनों डार नखे, तो उ मनक उपरे अचका बिनाश आवी आउर उमन उ बड़का दुःख से नी बाचबैं। जे लेखे गर्भवती जनाना उपरे जनम देवेक केर दुःख अचका शुरु होवेला।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 10:29

अगर मूसा केर नियम केर मोताबिक एइसन दंड अहे, तो उ आदमी केर दंड आउरे बगरा होवी जे परमेश्‍वर केर बेटा के घिरना करेला, काले कि उ परमेश्‍वर केर बेटा केर आदर नी करलक आउर उके अपन गोड़ से रवाइंद देलक। उ मसीह केर लोहू के अशुद्ध मानलक, जे लोहू से परमेश्‍वर उके पवितर करेक लगिन नवाँ करार के शुरु काइर हे, आउर उ पवितर आत्मा केर हों अपमान करलक जेकर जरिया से उ किरपा पाय रहे।

2 पतरस 2:17

इ झूठा सिखाएक वालामन उ कुआँ केर सोता नियर बेकार अहैं, जे सूइख जाय हे आउर उ बदरी नियर बेकार अहैं, जे पानी बरसेक से पहिलेहें तेज हवा उके उड़ाय के लेई जायला। परमेश्‍वर उमन लगिन एगो एइसन ठाँव तेयार काइर हे जे पूरा अंधार अहे।

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:13

जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 20:14

इकर पाछे माउत आउर मरणलोक आइग केर झील में साजल गेलैं। इ आइग केर झील तो दूसरा माउत हेके।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।