2 थिस्सलुनीकियनमन 1:8 - सादरी नवाँ नियम

⁸ आउर जेमन परमेश्‍वर के नी चिन्हैना, आउर हमर प्रभु यीशु केर बारे में शुभ समाचार के नी मानैना उमन के दंड देवी।

2 थिस्सलुनीकियनमन 1:8 Iomraidhean Croise

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 25:46

आउर लेंगा बटे केर आदमीमन जुग-जुग केर दंड भोगबैं मगर धरमी आदमीमन जुग-जुग केर जिंदगी पाबैं।”

यूहन्ना 3:19

आउर दोषी ठहराएक केर कारण एहे हेके कि इंजोत दुनिया में आय हे, मगर आदमीमन अंधार के इंजोत से बगरा पसिंद करलैं काले कि उमन केर काम बुरा रहे।

यूहन्ना 8:19

उमन उकर से पूछलैं, “तोर आबा कहाँ अहे?” यीशु जबाब देलक, “तोहरेमन ना तो मोके जानाला, आउर ना मोर आबा परमेश्‍वर के जानाला। अगर तोहरेमन मोके जानता, तो मोर आबा परमेश्‍वर के हों जाइन जाता।”

खास चेलामन केर काम 6:7

आउर परमेश्‍वर केर बचन फैलते गेलक आउर यरुशलेम शहर में चेलामन केर गिनती बढ़ते गेलक आउर कायनों झन यहूदी पुरोहितमन हों यीशु मसीह केर उपरे बिसवास केर इ संदेश के मानलैं।

रोमानियनमन 1:28

आउर जब उमन परमेश्‍वर के अपनाएक बेकार समझलैं तो परमेश्‍वर हों उ सोउब अनुचित काममन के करेक लगिन उमन के उ मनक निकम्मा मन केर वश में छोइड़ देलक।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 10:16

मगर सोउब आदमीमन उ शुभ समाचार उपरे बिसवास नी करलैं। जइसन कि यशायाह परमेश्‍वर केर संदेश के बताएक वाला कहेला, “हे प्रभु, हमरे केर संदेश उपरे केऊ बिसवास नी करलैं।”

रोमानियनमन 15:18

आउर मोंय इ कहेक केर साहस करोना, काले कि यीशु मसीह मोर द्वारा काम करलक, जेकर से परजाइत आदमीमन परमेश्‍वर केर पिछे चलेक वाला बनलैं, उमन परमेश्‍वर उपरे भरसा करलैं जब उमन मोर गोइठमन के सुनलैं आउर मोर काममन के देखलैं।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 6:16

तोहरेमन जानाला कि जब तोहरे खुद के केकरो धांगर बनेक लगिन देई देवाला, तो उ आदमी तोहरे केर मालिक बाइन जायला आउर तोहरे के ओहे करेक होवेला जेके उ करेक कहेला, तोहरे पाप केर गुलाम बाइन जाएक पाराला जे तोहरे के माउत बटे लेगेला, चाहे तोहरे परमेश्‍वर के चुनेक पाराला जे तोहरे के धरमी जिंदगी जियेक लगिन अगुवाई करेला।

1 कुरिनथियनमन 15:34

होस में आवा, अच्छा जिंदगी के अपनावा, जइसन कि तोहरे के होवेक चाही। पाप करेक छोइड़ देवा, काले कि तोहर में से थोरेक आदमीमन एइसन अहैं, जेमन परमेश्‍वर केर बारे में कोनों नी जानैना। एइसन मोंय इ लगिन कहाथों ताकि तोहरेमन के लाज होवोक।

2 कुरिनथियनमन 10:5

से लगिन हमरे मन केर बिचारमन के आउर हरेक घमंड केर गोइठ के, जे परमेश्‍वर केर इच्छा केर बिरोध में उठेला, उके रोकिला आउर हर एक बिचारमन के काबू काइर के मसीह केर आगयाकारी बनाय देवीला।

गलातियनमन 3:1

हे गलील परदेस केर रहेक वाला बिसवासीमन तोहरे केर दिमाग नखे, के तोहरे के भटकाय देलक? तोहरे केर तो आँइख केर सामने देखाएक नियर यीशु मसीह क्रूस उपरे देखाल गेलक।

गलातियनमन 4:8

जब तोहरेमन परमेश्‍वर के नी जानत रहा तब तोहरे उकर सेवा करत रहा, जे सचमुच में ईश्‍वर ना लगे।

1थिस्सलुनीकियनमन 4:5

आउर इ काम काया केर लालसा से करेक नखे, आउर ना उ जाइतमन नियर जेमन परमेश्‍वर के नी जानैना।

इब्रानीमन 10:27

मगर उमन लगिन परमेश्‍वर केर भयानक न्याय आउर हिदकल आइग, जे उकर बिरोधीमन के नाश काइर देवेला, बचल अहे।

इब्रानीमन 10:30

उमन ढेइर कठोर दंड पाबैं, काले कि परमेश्‍वर इ कइह हे, “बदला लेवेक मोर काम हेके, मोंय हें बदला देमूँ।” आउर फिन एहो कइह हे, “प्रभु अपन आदमीमन केर फैसला करी।”

इब्रानीमन 11:8

बिसवास से हें, जब अब्राहम के परमेश्‍वर एगो ठाँव में जाएक लगिन बोलालक, तो आगया माइन के एइसन ठाँव में जाएक ले निकइल गेलक, जेके परमेश्‍वर उके उकर नीज सम्पति केर रूप में देवेक वाला रहे। आउर उके कहाँ जाएक अहे, इकर पता हों नी रहे फिन भी उ जाएक लगिन निकइल गेलक।

इब्रानीमन 12:29

काले कि हमरे केर परमेश्‍वर भसम करेक वाला आइग नियर अहे।

इब्रानीमन 2:3

अगर हमरेमन एइसन बड़का छुटकारा के ठुकराय देवब, तो हमरे कैसे बचेक पारब। इ छुटकारा केर हकवा सोउब से पहिले प्रभु यीशु करलक, आउर फिन जेमन प्रभु यीशु से सुनलैं, उमन उ मनक संदेश के हमरेमन लगिन सच्चा साबित करलैं।

इब्रानीमन 5:9

आउर सिद्ध बाइन के, अपन आगया मानेक वाला सोउब आदमीमन ले जुग-जुग लगिन छुटकारा देवेक वाला बाइन गेलक।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 पतरस 3:6

सारा केर उदाहरन लेवा, जे अपन पति अब्राहम केर आगया के मानत रहे, आउर उके मालिक कइह के हकात रहे मतलब इ कि अगर तोहरे दोसरमन केर संगे भलाई करबा आउर तोहर मन में कोनों रकम केर डार नी होवी तो तोहरे सारा केर बेटीमन ठहरबा।

1 पतरस 4:17

काले कि फैसला करेक केर बेरा आय जाय हे कि पहिले परमेश्‍वर केर आदमीमन केर फैसला करल जाओक, आउर जबकि उ पहिले हमरे बिसवासीमन केर फैसला करी, से लगिन उ भयानक चीजमन केर बारे में सोचा, जे उ आदमीमन केर संगे होवी जेमन उ शुभ समाचार के नी मानैना, जे उकर बटले आवेला।

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”