2 थिस्सलुनीकियनमन 1:7 - सादरी नवाँ नियम

⁷ आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

2 थिस्सलुनीकियनमन 1:7 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

मत्ती 25:31

जब मोंय आदमी केर बेटा अपन महिमा में आमूँ आउर मोर संगे सोउब स्वरगदूतमन आबैं। तब मोंय सोउब केर न्याय करेक लगिन महिमा रुपी सिंहासन में बइठमूँ।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 26:64

यीशु उके जबाब देलक, “तोंय खुद हें कइह देले, अब मोंय तोर से एहो कहाथों कि अब से तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश केर बदरीमन में आते देखबा।”

मरकुस 14:62

यीशु कहलक, “हाँ! मोंय हेकों। तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश से बदरीमन में आते देखबा।”

मरकुस 8:38

जे केऊ इ ब्यभिचारी आउर पापी जाइत केर माझे मोर से आउर मोर बचन केर मोताबिक चलेक से लजाई, तो मोंय आदमी केर बेटा हों जब अपन आबा केर तेज चमक सहित पवितर स्वरगदूतमन केर संगे आमूँ तब उकर से लजामूँ।”

लूका 16:25

मगर अब्राहम कहलक, ‘हे बेटा, याइद कर कि तोके अपन जिंदगी में सुख हें सुख मिललक, मगर लाजर के दुःख हें दुःख मिललक। अब इके हिंयाँ शांति मिलाथे आउर तोंय तड़पाथिस।

लूका 17:30

एहे नियर जे दिन आदमीमन मोर आवेक केर बारे में नी सोइच रहबैं, सेहे दिन मोंय आदमी केर बेटा हों फिन से वापस घूइर आमूँ।

यूहन्ना 1:3

परमेश्‍वर सोउब कुछ उकरे से सिरजालक आउर जे कुछ सिरइज हे, उकर में से कोनोवें चीज उकर बिना नी सिरइज हे।

यूहन्ना 1:51

फिन यीशु उकर से एहो कहलक, “मोंय तोहरेमन से सच-सच कहाथों कि तोहरेमन स्वरग के खोलल आउर परमेश्‍वर केर स्वरगदूतमन के मोंय आदमी केर बेटा केर उपरे उतरते आउर मोर से फिन स्वरग जाते देखबा।”

खास चेलामन केर काम 1:11

आउर उमन से कहलैं, “हे गलील परदेस केर आदमीमन, तोहरे काले ठड़ाय के आकाश बटे देखाथा? एहे यीशु, जेके परमेश्‍वर तोहर ठिना से स्वरग में उठाय लेलक, ठीक एहे लेखे दोबारा आवी, जे लेखे तोहरे उके स्वरग में जाते देखला।”

खास चेलामन केर काम 3:19

से लगिन पाप करेक छोइड़ देवा आउर परमेश्‍वर बटे घूइर आवा ताकि तोहर पाप क्षमा करल जाई, तब परमेश्‍वर बटे से आत्मिक ताजगी केर बेरा आवी।

रोमानियनमन 8:17

आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

2 कुरिनथियनमन 4:17

काले कि हमरे केर इ बेरा केर मुसीबतमन थोरहें अहे आउर बगरा दिन तक नी रही। काले कि उ मुसीबतमन केर बदली में जुग-जुग केर महिमा मिली, जे हमरे केर सोचेक से कहीं बाइढ़ के अहे।

इफिसियनमन 1:2

मोंय प्रार्थना करोना कि हमर आबा परमेश्‍वर आउर प्रभु यीशु मसीह केर बटले तोहरेमन के किरपा आउर शांति मिलते रहोक।

कुलुसियनमन 1:16

काले कि इ ओहे रहे जे सोउब कुछ के सिरजेक लगिन परमेश्‍वर केर संगे काम करलक। उकरे में समूचा चीजमन केर सिरजन होलक, स्वरग केर, चाहे धरती केर, देखल, चाहे बेगर देखल, सिंहासन होवोक चाहे राइज चलाइयामन, मालिकमन होवोक चाहे अधिकारमन, समूचा चीजमन उकरे बटले आउर उखे आदर देवेक लगिन सिरजाल जाय हे।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

2 तीमुथियुस 2:12

अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 10:27

मगर उमन लगिन परमेश्‍वर केर भयानक न्याय आउर हिदकल आइग, जे उकर बिरोधीमन के नाश काइर देवेला, बचल अहे।

इब्रानीमन 12:29

काले कि हमरे केर परमेश्‍वर भसम करेक वाला आइग नियर अहे।

इब्रानीमन 4:1

इ लगिन जबकि परमेश्‍वर हमरे के आराम केर ठाँव में जाएक ले करार काइर हे, तो हमरे के ढेइर सावधान रहेक चाही, ताकि तोहर में से केऊ उ आराम केर ठाँव में जाएक केर मोका से छूइट ना जाओक।

इब्रानीमन 4:11

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।

इब्रानीमन 4:9

से लगिन परमेश्‍वर केर आदमीमन ले एखनोहों आराम केर ठाँव तेयार अहे, जहाँ उमन पूरा-पुरी आराम करबैं, उमन ओइसनेहें आराम करबैं जइसन परमेश्‍वर सातवाँ दिन आराम करलक।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 14:10

तो उके परमेश्‍वर केर परकोप केर मदिरा जे बेगर मिलावट केर उकर खीस केर कटोरा में उझलल जाय हे, पियी आउर उके पवितर स्वरगदूतमन केर भीरे आउर मेमना केर सामने आइग आउर गंधक केर बाथा देवल जाई।

प्रकाशितवाक्य 14:13

फिन मोंय स्वरग से इ आवाज के इ कहते सुनलों, “लीख: धाइन हेकैं उ मुरदामन, जे अब से प्रभु में बिसवास करते मोरायना।” पवितर आत्मा कहेला, “हाँ, काले कि उमन अपन सोउब मेहनइत से आराम पाबैं, आउर उमन केर काम उमन केर संगे होई लेवेला।”

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 21:4

उ, उमन केर आँइख से सोउब आँसू पोंइछ देई आउर इकर पाछे माउत नी रही, आउर ना दुःख, ना बिलाप, ना बाथा रही। काले कि पुरना गोइठमन बीत गेलक।”

प्रकाशितवाक्य 22:16

मोंय, यीशु अपन स्वरगदूत के इ लगिन भेजलों कि तोर आगे कलीसियामन केर बारे में इ गोइठमन केर गवाही देवोक। मोंय दाऊद केर जाइर आउर बंश हेकों आउर बिहान केर चमकत तइरगन हेकों।”

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 22:9

मगर उ मोर से कहलक, “देख, एइसन ना कर। काले कि मोंय तोर आउर परमेश्‍वर केर संदेश के बताएक वाला तोर भाईमन आउर उ आदमीमन केर जे इ किताब केर गोइठमन के मानैना, उ मनक संगी सेवक भाइर हेकों। तोंय परमेश्‍वर केर हें आराधना कर।”

प्रकाशितवाक्य 6:11

आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।