2 थिस्सलुनीकियनमन 1:4 - सादरी नवाँ नियम

⁴ इ लगिन हमरे परमेश्‍वर केर कलीसिया केर बिसवासीमन में तोहर बारे में घमंड करिला, हलांकि तोहरेमन कष्टमन आउर सतावमन से होई के गुजराथा, फिन भी तोहरे धीरज से सहते रहाला आउर यीशु मसीह में बिसवास कराला।

2 थिस्सलुनीकियनमन 1:4 Iomraidhean Croise

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

1 कुरिनथियनमन 7:17

जे मोंय कइह हों उकर निचोड़ इ हेके: हरेक झन ओहे दशा में बनल रहोक जे दशा में उके परमेश्‍वर बटले बोलाल जाय रहे, आउर उ प्रभु से जे बरदान पाय हे उकरे मोताबिक जिंदगी बिताओक, मोंय सोउब कलीसियामन लगिन एहे नियम ठहराय हों।

2 कुरिनथियनमन 12:10

इकर खातिर मोंय मसीह लगिन कमजोरीमन में आउर निंदामन में, आउर गरीबीमन में, आउर हुड़दंगमन में, आउर संकटमन में, खुश अहों, काले कि जेखन मोंय कमजोर होओना, तखनेहें मोंय मसीह केर शक्ति से बलवान होवोना।

2 कुरिनथियनमन 7:14

काले कि अगर मोंय उकर सामने तोहर बारे में कोनों घमंड काइर हों, तो नी लजालों, मगर जइसन हमरे तोहरेमन से सोउब गोइठमन के सच-सच कइह देई रही, तइसनेहें हमर घमंड करेक तीतुस केर सामने हों सच निकललक।

2 कुरिनथियनमन 7:4

मोंय तोहरेमन से ढेइर हिम्मत केर साथ कहाथों, मोके तोहरेमन उपरे घमंड अहे, आउर मोंय शांति से भाइर जाय हों। अपन सोउब कष्टमन में हों मोंय ढेइर खुश रहोना।

2 कुरिनथियनमन 9:2

काले कि मोंय तोहरे केर देवेक केर इच्छा के जानोना, जेकर चलते मोंय तोहर बारे में मकिदुनिया परदेस केर बिसवासीमन केर सामने घमंड करोना कि तोहरे अखया परदेस केर आदमीमन एक बरिस से दोसरमन के मदइत करेक लगिन तेयार होई हा, आउर तोहरे केर जोश आउर ढेइर आदमीमन के हों उसकाय हे।

2 कुरिनथियनमन 9:4

एइसन ना होवोक कि अगर केऊ बिसवासी मकिदुनिया परदेस से मोर संगे आवी, आउर तोहरेमन के दान देवेक लगिन तेयार नी पावी, तो तोहरे के लाजिम होवेक पड़ी, मगर हमरे के तोहरे से बगरा लाजिम होवेक पड़ी।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 2:14

इ लगिन हे भाईमन, तोहरे ओइसनेहें सताव सहला जइसन परमेश्‍वर केर कलीसिया केर बिसवासीमन सहलैं जेमन यहूदिया परदेस में आउर यीशु मसीह में मिलल अहैं। तोहरेमन अपन आदमीमन से दुःख सहला आउर उमन अपन आदमीमन से मतलब यहूदी आदमीमन से दुःख सहलैं।

1थिस्सलुनीकियनमन 2:19

भला हमरे केर आसरा, या खुशी या बड़ाई केर मुकुट केमन हेकैं? का हमर प्रभु यीशु केर सामने उकर घूइर आवेक केर बेरा तोहरेमन हें नी होबा?

2 थिस्सलुनीकियनमन 3:5

हमरे प्रार्थना करिला, प्रभु यीशु तोहरे के समझेक लायक बनाओक कि परमेश्‍वर तोहरे के कतइ प्रेम करेला, आउर सताव केर बेरा ओइसनेहें सहबा जइसन यीशु मसीह सहलक।

इब्रानीमन 10:36

तोहरे के लगातार बिसवास में धीरज से आसरा देखते रहेक चाही, तब तोहरे परमेश्‍वर केर इच्छा के पूरा करेक पारबा, आउर तोहरे उ सोउब के पाबा जेकर करार परमेश्‍वर तोहरे से काइर हे।

इब्रानीमन 6:15

अब्राहम ढेइर समय तक धीरज धारल केर पाछे करार केर फल पालक।

याकूब 5:11

देखा, हमरे धीरज धारेक वालामन के धाइन कहिला। तोहरेमन अय्यूब केर धीरज धारेक केर बारे में तो सुइन चुइक हा आउर प्रभु केर बटले उके जे इनाम मिललक उके हों जाइन लेई हा, जेकर से प्रभु केर ढेइर करुणा आउर दया दिसेला।

2 पतरस 1:6

तोहरे सिरिफ समझदारी से ब्यवहार करेक वाला ना बना, मगर अपन उपरे काबू रखेक वाला हों बना। तोहरे सिरिफ अपन उपरे काबू रखेक वाला ना बना, मगर दुःखमन में धीरज रखेक वाला हों बना। तोहरे सिरिफ धीरज रखेक वाला हें ना बना, मगर एइसन जिंदगी जियेक वाला हों बना जे परमेश्‍वर के खुश करेला।

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।