2 थिस्सलुनीकियनमन 1:3 - सादरी नवाँ नियम

³ हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

2 थिस्सलुनीकियनमन 1:3 Iomraidhean Croise

लूका 15:32

मगर एखन खुशी मनाएक आउर रिझेक चाही काले कि इ तोर भाई मोरल जइसन रहे फिन जी गेलक, हेराय जाय रहे, अब मिल गेलक।’ ”

लूका 17:5

तब खास चेलामन प्रभु यीशु से कहलैं, “तोर उपरे आउर हें मजबूत से बिसवास करेक लगिन हमर मदइत कर।”

यूहन्ना 15:2

जे लरंग मोर में जुड़ल अहे, आउर उ नी फारेला, तो उके मोर आबा परमेश्‍वर काइट देवेला, आउर जे लरंग फारेला, उके आबा परमेश्‍वर छाँटेला ताकि उ लरंग ढेइर फारोक।

रोमानियनमन 1:8

पहिले मोंय तोहरे सोउबमन केर लगिन यीशु मसीह केर द्वारा अपन परमेश्‍वर के धन्यबाद देवोना, काले कि ढेइर ठाँवमन में यीशु मसीह उपरे तोहर बिसवास केर बारे में चरचा होवाथे।

1 कुरिनथियनमन 1:4

मोंय तोहर बारे में अपन परमेश्‍वर के सोउब बेरा धन्यबाद देवोना, काले कि यीशु मसीह में एक होवेक केर चलते परमेश्‍वर अपन किरपा से तोहरेमन के ढेइर आशीषमन के देई हे।

2 कुरिनथियनमन 10:15

हमरे सीमा से बाहरे दोसरमन केर मेहनइत उपरे घमंड नी करिला, मगर हमरे के आसरा अहे कि जइसन-जइसन तोहर बिसवास बढ़ते जाई तइसन-तइसन हमरे अपन सीमा केर मोताबिक तोहरे केर माझे आउर बड़का काम करेक पारब।

इफिसियनमन 5:20

आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

फिलिप्पियनमन 1:9

आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

1थिस्सलुनीकियनमन 3:6

मगर एखन तीमुथियुस जे तोहर ठिना से हमर हिंयाँ आय हे, तोहरे केर बिसवास आउर प्रेम केर बारे में शुभ समाचार सुनालक। आउर इ गोइठ के हों सुनालक कि तोहरेमन सोउब बेरा प्रेम केर संगे हमरे के याइद कराला, आउर हमरे के देखेक केर इच्छा रखाला, जइसन हमरे हों तोहरेमन के देखेक चाहिला।

1थिस्सलुनीकियनमन 3:9

आउर जे खुशी हमरे के तोहर चलते अपन परमेश्‍वर केर सामने अहे, उकर बदला तोहर बारे में हमरे परमेश्‍वर के का नियर भरपूर धन्यबाद देवब?

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

2 थिस्सलुनीकियनमन 2:1

हे भाईमन, हमरे के अपन प्रभु यीशु मसीह केर घूइर आवेक आउर उ बेरा केर बारे में तोहर से कोनों कहेक अहे, जब हमरे एक संग उकर से मिलब।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

2 पतरस 1:13

आउर मोंय इके अपन लगिन ठीक समझोना कि जब तक मोंय जिंदा अहों, तब-तक मोंय तोहरे के इ गोइठमन के याइद दिवाते रहमूँ।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।