2 थिस्सलुनीकियनमन 1:10 - सादरी नवाँ नियम

¹⁰ इ गोइठ उ दिन होवी जब यीशु अपन आदमीमन केर बटले महिमा पावेक आउर सोउब बिसवास करइयामन बटले आदर पावेक लगिन घूइर आवी, उ बेरा तोहरे हों उमन में शामिल रहबा काले कि तोहरेमन हमर गवाही में बिसवास करला।

2 थिस्सलुनीकियनमन 1:10 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

मत्ती 24:36

इ सोउब गोइठ कहिया आउर कोन बेरा पूरा होवी इकर बारे में केऊ हों नी जानैना, ना स्वरग केर दूतमन आउर ना मोंय परमेश्‍वर केर बेटा। मगर उ दिन आउर उ बेरा केर बारे में आबा हें जानेला।

मत्ती 25:31

जब मोंय आदमी केर बेटा अपन महिमा में आमूँ आउर मोर संगे सोउब स्वरगदूतमन आबैं। तब मोंय सोउब केर न्याय करेक लगिन महिमा रुपी सिंहासन में बइठमूँ।

मत्ती 7:22

जे दिन न्याय होवी, उ दिन ढेइर आदमीमन मोर से कहबैं, ‘हे प्रभु, हे प्रभु, का हमरे तोर नाँव से भविष्यवाणी नी करली? तोर नाँव से भूतमन के नी निकलाली आउर तोर नाँव से ढेइर चमत्कार केर काम नी करली?’

लूका 10:12

मोंय तोहरेमन से कहाथों कि न्याय केर दिन उ नगर केर आदमी मनक सजा, सदोम नगर केर आदमी मनक सजा से हों बगरा होवी।

यूहन्ना 11:4

यीशु इ खबर सुइन के कहलक, “इ बेमारी मौत लगिन निहीं, मगर परमेश्‍वर केर महिमा लगिन हेके। इकर से मोंय परमेश्‍वर केर बेटा केर महिमा होवी।”

यूहन्ना 17:10

आउर जेमन मोर हेकैं, उमन सोउब तोर हेकैं, आउर जेमन तोर हेकैं, उमन सोउब मोर हेकैं। आउर उमन से मोर महिमा दिस्तार होई हे।

1 कुरिनथियनमन 1:6

जेकर से परमेश्‍वर तोहरेमन में इ साबित काइर हे कि यीशु मसीह केर बारे में जे संदेश अहे उ सच्चा हेके।

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

गलातियनमन 1:24

से लगिन उमन परमेश्‍वर केर महिमा करैना, काले कि परमेश्‍वर मोके बिसवासीमन के सताएक वाला से बदइल के यीशु मसीह केर पिछे चलेक वाला बनाय देलक।

इफिसियनमन 1:12

हमरे यहूदीमन पहिला आदमी हेकी जेमन मसीह उपरे आसरा करली, आउर चुनल गेली ताकि हमरे परमेश्‍वर केर महिमा लगिन उकर बड़ाई करब।

इफिसियनमन 1:14

पवितर आत्मा छुटकारा पावल आदमीमन लगिन जमा करल धन नियर अहे, जे पक्का भरसा दिवायला कि परमेश्‍वर उ सोउब चीजमन के देवी जेके देवेक केर करार काइर हे, आउर जेके उ अपन आदमीमन लगिन कीन लेई हे। ताकि उकर महिमा लगिन उकर बड़ाई होवोक।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:6

से लगिन हमरे समझ से बाहर उकर किरपा केर लगिन उकर बड़ाई करिला, काले कि हमरे के उ किरपा उकर एकलौता दुलार बेटा यीशु मसीह बटले मुफत में मिल हे।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 3:10

अब उकर मकसद एहे अहे कि कलीसिया केर द्वारा, परमेश्‍वर केर सोउब रकम केर गेयान, उ प्रधानमन आउर अधिकारीमन उपरे, जेमन स्वरगीय ठाँवमन में अहैं दिस्तार करल जाओक।

इफिसियनमन 3:16

मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1थिस्सलुनीकियनमन 2:1

हे भाईमन, तोहरेमन खुद हें जानाला कि हमरे केर तोहर ठिना आवेक बेकार नी होलक।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

2 थिस्सलुनीकियनमन 1:12

हमरे परमेश्‍वर केर किरपा केर चलते इ प्रार्थना करिला कि आदमीमन तोहरे केर चलते हमर प्रभु यीशु मसीह केर नाँव केर महिमा करोक आउर तोहरे हों आदर पाबा काले कि तोहरेमन उकर में जुड़ल अहा।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।