2 पतरस 3:9 - सादरी नवाँ नियम

⁹ थोरेक आदमीमन सोचैना कि प्रभु अपन घूइर आवेक केर करार के पूरा करेक में देरी कराथे, मगर एइसन नखे, उ तोहरेमन केर चलते धीरज धराथे। उ चाहेला कि केऊ हों नाश ना होवोक, मगर हर केऊ अपन मन के फिराओक आउर पाप काम करेक छोइड़ देओक आउर प्रभु ठिना आय जाओक।

2 पतरस 3:9 Iomraidhean Croise

रोमानियनमन 13:11

तोहरे सोउब लगातार एक दोसर से प्रेम करा, काले कि परमेश्‍वर बटले हमरे के इ बुरा दुनिया से छुटकारा देवेक केर बेरा भीरे पोंहइच जाय हे, जब हमरे मसीह उपरे बिसवास काइर रही, उ बेरा केर बिचार से एखन बेरा आउरे भीरे पोंहइच जाय हे, इके बुझा, तोहरे के नींद से जागेक अहे।

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

रोमानियनमन 9:22

तो इकर में कोन सा ताजुब केर बात अहे? परमेश्‍वर अपन खीस के आउर अपन शक्ति के, उ सोउबमन के देखाएक चाहेला जेमन नाश होवेक केर लाएक अहैं। मगर उ धीरज से उमन के सहलक।

1 तीमुथियुस 1:16

मगर यीशु मसीह मोर उपरे दया करलक आउर मोर सोउब से बगरा पापमन के क्षमा काइर के, इ देखाएक चाहेला कि उ केतना सहनशील अहे। ताकि उमन लगिन मोंय एगो नमूना बनमूँ, जेमन पाछे से जुग-जुग केर जिंदगी पावेक लगिन उकर उपरे बिसवास करबैं।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

इब्रानीमन 10:37

काले कि पवितर किताब में लिखल अहे, “परमेश्‍वर कहेला, अब ढेइर थोर समय बाइच हे कि आवेक वाला आवी आउर देरी नी करी।

1 पतरस 3:20

इ उ मनक आत्मा रहे, जेमन ढेइर समय पहिले परमेश्‍वर केर आगया के तोइर रहैं, जब नूह अपन जहाज के बनात रहे तब परमेश्‍वर धीरज से इंतजार काइर के देखत रहे कि का उमन पाप करेक छोइड़ देबैं, मगर जब पानी दुनिया के नाश काइर देलक तब जहाज में ढूकेक वालामन सिरिफ आठ आदमीमन के बचाल जाय रहे।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

2 पतरस 3:15

आउर अगर हमर प्रभु अपन धीरज केर खातिर देरी कराथे तो इके तोहरे अपन छुटकारा पावेक केर एगो मोका केर रूप में समझा, जइसन हमर दुलारा भाई पौलुस हों तोहरे के उ गेयान केर मोताबिक लिखलक, जे परमेश्‍वर उके देई हे, ओहो तोहरे के ओहे गोइठ बतालक जेके मोंय अपन चिट्ठी में बताय हों।

प्रकाशितवाक्य 2:21

मोंय उके पाप करेक छोड़ेक केर मोका देलों, मगर उ अपन ब्यभिचार केर पाप के करेक से छोड़ेक नी चाहेला।