2 पतरस 3:7 - सादरी नवाँ नियम

⁷ जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

2 पतरस 3:7 Iomraidhean Croise

मत्ती 10:15

मोंय तोहरेमन से सच कहाथों कि न्याय केर दिन उ नगर केर आदमी मनक सजा सदोम आउर अमोरा नगर केर आदमी मनक सजा से हों बगरा होवी।

मत्ती 11:22

मोंय तोहरेमन से कहाथों कि न्याय केर दिन परमेश्‍वर सूर आउर सैदा नगर केर आदमीमन के तो सजा देवी, मगर तोहरेमन केर सजा उ मनक सजा से हों कहीं बगरा होवी।

मत्ती 11:24

मगर मोंय तोहरेमन से कहाथों कि न्याय केर दिन परमेश्‍वर सदोम नगर केर आदमीमन के तो सजा देवी, मगर तोहरेमन केर सजा उ मनक सजा से हों कहीं बगरा होवी।”

मत्ती 12:36

आउर मोंय तोहर से कहाथों कि न्याय केर दिन आदमीमन के अपन मुँह से कहल सोउब बेकार गोइठ केर हिसाब देवेक होवी।

मत्ती 24:35

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मरकुस 6:11

अगर कोनों गाँव में आदमीमन तोहरेमन के अपन घर में नी आवेक देबैं आउर तोहरेमन केर गोइठ के नी सुनबैं, तो हूवाँ से निकलेक बेरा अपन तरवा केर धूर के झाइर रखबा। उमन के इ चेतावनी देवेक लगिन कि परमेश्‍वर बटले मिलेक वाला सजा लगिन अब उमन खुद जिम्मेदार होबैं।”

यूहन्ना 12:48

जे मोके तुच्छ जानेला आउर मोर गोइठमन के मानेक से मना करेला, उकर न्याय करेक लगिन एक झन अहे, जे बचन मोंय कइह हों, ओहे आखरी दिन उके दोषीदार ठहराई।

रोमानियनमन 2:5

मगर तोहरे हठ कराला आउर पाप करेक के छोड़ेक नी चाहाला, सेकर चलते उ दिन जब परमेश्‍वर अपन खीस के देखाई, जेकर में उ सच्चा न्याय करी, तो तोहरे के ढेइर दंड देवी।

1 कुरिनथियनमन 3:13

मगर न्याय केर दिन जब मसीह फिन से घूइर आवी, तब आइग हरेक झन केर काम केर गुण के देखाई, अगर केकरो काम केर कोनों कीमत अहे तो आइग उके देखाई,

फिलिप्पियनमन 1:28

आउर कोनों गोइठ में बिरोधीमन से नी डराला। तोहरे केर साहस उमन लगिन नाश होवेक केर चिन्हा हेके, मगर तोहर लगिन इ परमेश्‍वर बटे से छुटकारा केर चिन्हा हेके।

2 थिस्सलुनीकियनमन 2:3

प्रभु केर आवेक केर बारे में इ सोउब गलत गोइठमन में बिसवास ना करा, जेकर बारे में आदमीमन तोहरेमन के बताथैं। काले कि प्रभु यीशु केर घूइर आवेक से पहिले एइसन समय आवी कि ढेइर आदमीमन परमेश्‍वर केर बिरोध में हुड़दंग मचाबैं, आउर अधरमी आदमी मतलब बिनाश केर बेटा हों दिस्तार होवी।

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

इब्रानीमन 12:29

काले कि हमरे केर परमेश्‍वर भसम करेक वाला आइग नियर अहे।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

2 पतरस 3:12

जब तोहरे उ दिन केर इंतजार कराथा जे दिन परमेश्‍वर दुनिया केर सोउब आदमीमन केर फैसला करेक लगिन आवी, तो तोहरे अपन बटले एइसन काम करा कि उ दिन जल्दी आय जाओक। उ दिन केर आते हें आकाश आइग से पोइड़ के नाश होई जाई आउर उकर गरमी से आकाश केर सोउब चीज गइल जाई।

1 यूहन्ना 4:17

इकरे से प्रेम हमरेमन में सिद्ध होलक कि हमरे के फैसला केर दिन साहस होवोक कि उ हमरे के सजा नी देवी, काले कि हमरेमन इ दुनिया में यीशु केर नियर जिंदगी जियिला।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।

प्रकाशितवाक्य 17:11

जे जानवर पहिले रहे, आउर अब नखे, उ खुद आठवाँ राजा हेके, मगर सचमुच में उ सातों राजामन में से एगो हेके, आउर उकर हों बिनाश होवेक वाला अहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 21:1

फिन मोंय एक नवाँ आकाश आउर नवाँ धरती के देखलों। काले कि पहिला आकाश आउर पहिला धरती लोप होई जाय रहे, आउर समुदर हों अब नी रहलक।