2 पतरस 3:4 - सादरी नवाँ नियम

⁴ आउर मजाक उड़ाते कहबैं, “का होलक प्रभु यीशु केर फिन से घूइर आवेक केर करार? उकर करार सच नखे, उ नी आवी। हमर पुरखामन तो मोइर गेलैं मगर सोउब कुछ तइसनेहें अहे जइसन दुनिया केर सिरजन केर शुरु में रहे।”

2 पतरस 3:4 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

मत्ती 24:28

जइसन गिद्धमन केर जमा होवेक से पता चलेला कि हूवाँ लाश अहे, तइसनेहें इ सोउब घटना से पता चाइल जाई कि आदमी केर बेटा केर हों आवेक भीरे पोंहइच जाय हे।

मत्ती 24:48

मगर, अगर उ धांगर दुष्ट अहे आउर अपन मन में इ सोचेक लगी कि मोर मालिक केर आवेक में देरी अहे।

मरकुस 10:6

मगर दुनिया केर शुरु से परमेश्‍वर नर आउर नारी काइर के उमन के बनाय हे।

मरकुस 13:19

काले कि उ दिनमन में एइसन दुःख तकलीफ होवी कि परमेश्‍वर केर बनाल दुनिया में शुरु से एखन तक नी होई हे आउर ना कहियो होवी।

लूका 12:45

मगर उ धांगर अगर सोचेक लगी कि मोर मालिक केर आवेक में देरी अहे, आउर उ दोसर धांगर-धांगरिनमन के मारेक-पिटेक लगी, आउर खाएक-पियेक, आउर मतवारी करेक में लाइग जाई।

खास चेलामन केर काम 7:60

फिन ठेहुना टेइक के जोर से कहलक, “हे प्रभु, उ मनक इ पाप के क्षमा काइर दे।” आउर इ कइह के मोइर गेलक।

1थिस्सलुनीकियनमन 2:19

भला हमरे केर आसरा, या खुशी या बड़ाई केर मुकुट केमन हेकैं? का हमर प्रभु यीशु केर सामने उकर घूइर आवेक केर बेरा तोहरेमन हें नी होबा?

2 पतरस 3:12

जब तोहरे उ दिन केर इंतजार कराथा जे दिन परमेश्‍वर दुनिया केर सोउब आदमीमन केर फैसला करेक लगिन आवी, तो तोहरे अपन बटले एइसन काम करा कि उ दिन जल्दी आय जाओक। उ दिन केर आते हें आकाश आइग से पोइड़ के नाश होई जाई आउर उकर गरमी से आकाश केर सोउब चीज गइल जाई।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन: