2 पतरस 3:18 - सादरी नवाँ नियम

¹⁸ मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

2 पतरस 3:18 Iomraidhean Croise

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 4:15

बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

कुलुसियनमन 3:10

आउर अब तोहरे नवाँ स्वभाव के अपनाय लेई हा, इकर सिरजाएक वाला परमेश्‍वर इके आउर बगरा अपन स्वभाव में बदलते जाथे, ताकि तोहरे उके बेस लेखे जानेक पारबा।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

2 तीमुथियुस 4:18

आउर प्रभु मोके हरेक बुरा काम से छुड़ाई, आउर अपन स्वरग राइज में छुटकारा काइर के पोंहचाई। उकरे महिमा जुग-जुग होते रहोक आमीन।

1 पतरस 2:2

जइसन नवाँ जनमल छउवामन अपन आयो केर दूध पियेक लगिन लालसा करैना, तइसनेहें तोहरे के परमेश्‍वर केर बचन के सिखेक लगिन लालसा करेक चाही, ताकि तोहरे आत्मिक रूप से समझदार बाइन जबा। तब आखरी में परमेश्‍वर तोहरे के इ दुनिया केर सोउब बुरा चीजमन से पूरा-पुरी छुटकारा देवी।

2 पतरस 1:11

आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।

2 पतरस 1:2

मोंय प्रार्थना करोना कि जइसन-जइसन तोहरे परमेश्‍वर आउर हमर प्रभु यीशु मसीह केर गेयान में बढ़ाला, तइसनेहें परमेश्‍वर केर किरपा आउर शांति तोहर में भरपूरी से बढ़ते जाओक।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 1:8

काले कि अगर इ गोइठमन तोहर में बनल अहे आउर बढ़ते जाई, तो इ हमर प्रभु यीशु मसीह केर गेयान के पावेक से तोहरे के बेकार आउर हारेक नी देवी।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।