2 पतरस 3:16 - सादरी नवाँ नियम

¹⁶ तइसनेहें उ अपन सोउब चिट्ठीमन में हों इ गोइठमन केर चरचा काइर हे, जेकर में केतना गोइठमन एइसन अहे, जेके समझेक कठिन अहे, आउर अनपढ़ आउर चंचल आदमीमन उकर अर्थमन के हों पवितर किताब केर आउर गोइठमन केर नियर खींच-ताइन के अपनेहें नाश केर कारण बनायना।

2 पतरस 3:16 Iomraidhean Croise

मत्ती 15:3

यीशु उमन के जबाब देलक, “तोहरेमन हों अपन नेग-दस्तूर के बनाय रखेक लगिन काले परमेश्‍वर केर आगया के अनदेखा काइर देवाला?

मत्ती 15:6

तो उके अपन आयो-आबा केर आदर करेक केर जरुरत नखे, इ लेखे तोहरेमन अपन पुरखा मनक बनाल नेग-दस्तूर के मानेक लगिन परमेश्‍वर केर बचन के टाइल देवाला।

मत्ती 22:29

यीशु उमन के जबाब देलक, “तोहरेमन पवितर किताब के नी बुझाला, जे मोरेक केर पाछे आदमीमन के जिंदा रहेक केर बारे में बतायला। तोहरेमन एहो नी बुझाला कि परमेश्‍वर ठिना मोरल आदमीमन के फिन से जिंदा करेक केर शक्ति अहे, से लगिन तोहरेमन भूल में अहा।

फिलिप्पियनमन 3:19

उ मनक अंत बिनाश हेके, काया केर जरुरत हें उ मनक ईश्‍वर हेके, उमन अपन लाज केर काममन उपरे घमंड करैना, आउर दुनिया केर चीजमन उपरे सोचते रहैना।

इब्रानीमन 5:11

इकर बारे में हमरे के आउर ढेइर गोइठमन के बताएक अहे, मगर उमन केर बारे में खोइल-खोइल के बखाइन करेक कठिन अहे, काले कि तोहरे परमेश्‍वर केर बचन के सिखेक में कोढ़िया बाइन गेला।

याकूब 1:8

उ आदमी दूई गो बिचार वाला हेके, उ अपन गोइठमन में टिकल नी रहेला।

1 पतरस 1:1

मोंय पतरस जे यीशु मसीह केर चुनल खास चेला हेकों, इ चिट्ठी के उ परदेसीमन केर नाँव में लिखाथों, जेमन पुन्तुस, गलातिया, कप्पदुकिया, आसिया आउर बितूनिया परदेसमन में तितिर-बितिर होई के रहैना।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

2 पतरस 2:14

उमन हर एक जनाना केर संगे गलत संबंध रखेक चाहैना, जेके उमन देखैना। उमन पाप करेक केर मोका सोउब बेरा खोजते रहैना, उमन उ आदमीमन के धोखा देवैना जेमन मसीह में मजबूती से भरसा नी करैना, आउर उमन के पाप बटे लेई जायना। उमन केर बगरा से बगरा चीजमन के पावेक केर लालसा केर खातिर परमेश्‍वर उमन के दंड देवी।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।