2 पतरस 3:15 - सादरी नवाँ नियम

¹⁵ आउर अगर हमर प्रभु अपन धीरज केर खातिर देरी कराथे तो इके तोहरे अपन छुटकारा पावेक केर एगो मोका केर रूप में समझा, जइसन हमर दुलारा भाई पौलुस हों तोहरे के उ गेयान केर मोताबिक लिखलक, जे परमेश्‍वर उके देई हे, ओहो तोहरे के ओहे गोइठ बतालक जेके मोंय अपन चिट्ठी में बताय हों।

2 पतरस 3:15 Iomraidhean Croise

लूका 21:15

काले कि मोंय तोहरेमन के एइसन बोल आउर बुद्धि देमूँ कि सोउब बिरोधी आदमीमन तोहरे केर सामना करेक चाहे गोइठ काटेक नी पारबैं।

खास चेलामन केर काम 15:25

से लगिन हमरे सोउब केर बिचार से थोरेक बिसवासी भाईमन के चुइन के तोहर हिंयाँ भेजेक केर फैसला करली आउर इ चुनल बिसवासी भाईमन के अपन दुलारा बरनाबास आउर पौलुस केर संगे तोहर ठिना भेजली।

खास चेलामन केर काम 7:10

परमेश्‍वर यूसुफ के सोउब दुःखमन से छोड़ाय के मिसर देस केर राजा फिरौन केर नजइर में दया आउर बुद्धि देलक, आउर राजा फिरौन उके मिसर देस केर आउर अपन पूरा राजमहल केर अधिकारी बनाय देलक।

खास चेलामन केर काम 9:17

तब हनन्याह उइठ के उ घर में आलक, जहाँ शाऊल रहे आउर उकर उपरे हाँथ राइख के कहलक, “हे भाई शाऊल, प्रभु यीशु, जे तोके डहर में दर्शन देई रहे, ओहे मोके भेइज हे, ताकि तोंय फिन से देखेक पारबे आउर तोंय पवितर आत्मा से भाइर जाबे।”

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

1 कुरिनथियनमन 12:8

परमेश्‍वर केर आत्मा एक आदमी के बुद्धि से भरल संदेश के बोलेक केर बरदान देवेला, आउर ओहे आत्मा दोसर आदमी के गेयान से भरल संदेश के बोलेक केर बरदान देवेला।

1 कुरिनथियनमन 2:13

से लगिन हमरे इ गोइठमन के दोसर आदमीमन के बताइला, मगर आदमीमन केर सिखाल गेयान केर गोइठमन नियर निहीं, मगर परमेश्‍वर केर आत्मा केर सिखाल गोइठमन के परमेश्‍वर केर आत्मा से मिलाय-मिलाय के बताइला।

1 कुरिनथियनमन 3:10

जे काम परमेश्‍वर मोके करेक लगिन देई हे उके मोंय बुद्धिमानी से करलों, मोंय तोहरे केर शहर में शुभ समाचार केर परचार करलों, आउर पहिले तोहर में से आदमीमन के यीशु उपरे बिसवास करेक में मदइत करलों। इकर पाछे जे काम के मोंय करलों उके दोसर सेवकमन आगे बढ़ालैं, मगर हमर में से हरेक सेवक के धेयान से बिचार करेक चाही कि परमेश्‍वर केर काम कइसन करेक अहे।

इफिसियनमन 3:3

मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

1 तीमुथियुस 1:16

मगर यीशु मसीह मोर उपरे दया करलक आउर मोर सोउब से बगरा पापमन के क्षमा काइर के, इ देखाएक चाहेला कि उ केतना सहनशील अहे। ताकि उमन लगिन मोंय एगो नमूना बनमूँ, जेमन पाछे से जुग-जुग केर जिंदगी पावेक लगिन उकर उपरे बिसवास करबैं।

याकूब 1:5

अगर तोहर में से केखो बुद्धि केर घटी अहे, तो परमेश्‍वर से प्रार्थना करा आउर उ तोहरे के बुद्धि देवी। उ बेगर दोष लगाले सोउब के खुला मन से देवेला।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

1 पतरस 3:20

इ उ मनक आत्मा रहे, जेमन ढेइर समय पहिले परमेश्‍वर केर आगया के तोइर रहैं, जब नूह अपन जहाज के बनात रहे तब परमेश्‍वर धीरज से इंतजार काइर के देखत रहे कि का उमन पाप करेक छोइड़ देबैं, मगर जब पानी दुनिया के नाश काइर देलक तब जहाज में ढूकेक वालामन सिरिफ आठ आदमीमन के बचाल जाय रहे।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

2 पतरस 3:9

थोरेक आदमीमन सोचैना कि प्रभु अपन घूइर आवेक केर करार के पूरा करेक में देरी कराथे, मगर एइसन नखे, उ तोहरेमन केर चलते धीरज धराथे। उ चाहेला कि केऊ हों नाश ना होवोक, मगर हर केऊ अपन मन के फिराओक आउर पाप काम करेक छोइड़ देओक आउर प्रभु ठिना आय जाओक।