2 पतरस 3:12 - सादरी नवाँ नियम

¹² जब तोहरे उ दिन केर इंतजार कराथा जे दिन परमेश्‍वर दुनिया केर सोउब आदमीमन केर फैसला करेक लगिन आवी, तो तोहरे अपन बटले एइसन काम करा कि उ दिन जल्दी आय जाओक। उ दिन केर आते हें आकाश आइग से पोइड़ के नाश होई जाई आउर उकर गरमी से आकाश केर सोउब चीज गइल जाई।

2 पतरस 3:12 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 16:28

मोंय तोहर से सच कहाथों, तोहर में से थोरेक आदमीमन जे हिंयाँ ठड़ाल अहैं, एइसन अहैं कि जब तक मोंय आदमी केर बेटा के अपन राइज में शासन करते नी देइख लेबैं तब तक नी मोरबैं।”

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

2 पतरस 3:4

आउर मजाक उड़ाते कहबैं, “का होलक प्रभु यीशु केर फिन से घूइर आवेक केर करार? उकर करार सच नखे, उ नी आवी। हमर पुरखामन तो मोइर गेलैं मगर सोउब कुछ तइसनेहें अहे जइसन दुनिया केर सिरजन केर शुरु में रहे।”

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:21

परमेश्‍वर केर प्रेम में मजबूत बनल रहा, आउर जुग-जुग केर जिंदगी लगिन हमर प्रभु यीशु मसीह केर दया केर आसरा देखते रहा।