2 पतरस 3:11 - सादरी नवाँ नियम

¹¹ इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

2 पतरस 3:11 Iomraidhean Croise

मत्ती 8:27

इ घटना के देइख के चेलामन ताजुब काइर के कहेक लगलैं, “इ कइसन आदमी हेके कि आँधी आउर पानी हों उकर आगया के मानैना।”

रोमानियनमन 13:11

तोहरे सोउब लगातार एक दोसर से प्रेम करा, काले कि परमेश्‍वर बटले हमरे के इ बुरा दुनिया से छुटकारा देवेक केर बेरा भीरे पोंहइच जाय हे, जब हमरे मसीह उपरे बिसवास काइर रही, उ बेरा केर बिचार से एखन बेरा आउरे भीरे पोंहइच जाय हे, इके बुझा, तोहरे के नींद से जागेक अहे।

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 3:20

मगर हमरे केर अपन देस स्वरग में अहे, आउर हमरे एगो छुटकारा देवाइया प्रभु यीशु मसीह के स्वरग से घूइर आवेक केर आसरा देखाथी।

1थिस्सलुनीकियनमन 1:5

काले कि हमरे यीशु मसीह केर बारे में शुभ समाचार, तोहर ठिना बोली भइर से निहीं मगर पवितर आत्मा केर शक्ति से आउर बड़का भरसा केर संगे पोंहचाली। तोहरे जानाला कि जब हमरे तोहरे केर संग रही, तो तोहर भलाई केर लगिन कइसन जिंदगी बिताय रही।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

1 तीमुथियुस 6:6

मगर हमरे अपन जिंदगी के परमेश्‍वर के खुश करेक नियर जियिला आउर जे कोनों हमरे ठिना अहे उकरे में संतोष करिला।

इब्रानीमन 13:5

तोहरे के धन केर लोभ नी करेक चाही, तोहरे ठिना जे कोनों अहे उकरे में संतोष रहा, काले कि परमेश्‍वर खुद कइह हे “मोंय तोके कहियो नी छोड़मूँ, आउर ना कहियो ठोकरामूँ।”

याकूब 1:24

आउर खुद के देखेक केर पाछे चाइल जायला आउर भुलाय जायला कि मोंय कइसन रहों।

याकूब 3:13

तोहरेमन में गेयानी आउर समझदार के हेके? अगर तोहर में से केऊ अहा, तो बेस जिंदगी जी के आउर नरम बाइन के जे तोहर गेयान से आवेला बेस काम काइर के देखावा।

1 पतरस 1:15

मगर जइसन तोहरे केर बोलेक वाला पवितर अहे, तइसनेहें तोहरे हों अपन सोउब चाइल-चलन में पवितर बना।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 1:6

तोहरे सिरिफ समझदारी से ब्यवहार करेक वाला ना बना, मगर अपन उपरे काबू रखेक वाला हों बना। तोहरे सिरिफ अपन उपरे काबू रखेक वाला ना बना, मगर दुःखमन में धीरज रखेक वाला हों बना। तोहरे सिरिफ धीरज रखेक वाला हें ना बना, मगर एइसन जिंदगी जियेक वाला हों बना जे परमेश्‍वर के खुश करेला।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

2 पतरस 3:12

जब तोहरे उ दिन केर इंतजार कराथा जे दिन परमेश्‍वर दुनिया केर सोउब आदमीमन केर फैसला करेक लगिन आवी, तो तोहरे अपन बटले एइसन काम करा कि उ दिन जल्दी आय जाओक। उ दिन केर आते हें आकाश आइग से पोइड़ के नाश होई जाई आउर उकर गरमी से आकाश केर सोउब चीज गइल जाई।