2 पतरस 3:10 - सादरी नवाँ नियम

¹⁰ काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

2 पतरस 3:10 Iomraidhean Croise

मत्ती 24:35

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

मरकुस 13:31

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

लूका 12:39

मगर तोहरेमन इ जाइन लेवा कि अगर घर केर मालिक जानतक कि चोर कोन बेरा आवी, तो उ जागते रहतक, आउर अपन घर में ढूकेक नी देतक।

रोमानियनमन 8:20

काले कि परमेश्‍वर केर बनाल सोउब कुछ केर कीमत सिराय गेलक, आउर इ सोउब कुछ इ लगिन नी होलक कि उ चीजमन एइसन चाहत रहैं, मगर परमेश्‍वर एइसन होवेक देलक। मगर एखनोहों आसरा अहे

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 5:5

जे आदमी एइसन पापी ब्यवहार करेला, उके कलीसिया से निकलाय देवा आउर शैतान केर हाँथ में सोंइप देवा। ताकि उ अपन पाप करेक छोइड़ देवी, अगर उ आदमी पाप करेक छोइड़ देवेला, तो उ सचमुच में उ दिन बाइच जाई जब प्रभु फैसला करी।

2 कुरिनथियनमन 1:14

जइसन तोहरे में से केतना झन माइन लेई हैं कि हमरे केर चलते तोहरे घमंड कराला, तइसनेहें हमरे हों तोहरेमन केर चलते प्रभु यीशु केर घूइर आवेक दिन घमंड करब।

1थिस्सलुनीकियनमन 5:2

काले कि तोहरेमन खुद ठीक जानाला कि जइसन चोर राइत के अचका आवेला, तइसनेहें प्रभु यीशु हों अचका आवेक वाला अहे।

1थिस्सलुनीकियनमन 5:4

मगर हे भाईमन, तोहरेमन पापमन में जिंदगी नी जियाथा कि जब प्रभु यीशु दोबारा घूइर आवी, तो उ दिन तोहरेमन उपरे चोर नियर आय जाई कि तोहरे तेयार नी रहबा।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

2 पतरस 3:12

जब तोहरे उ दिन केर इंतजार कराथा जे दिन परमेश्‍वर दुनिया केर सोउब आदमीमन केर फैसला करेक लगिन आवी, तो तोहरे अपन बटले एइसन काम करा कि उ दिन जल्दी आय जाओक। उ दिन केर आते हें आकाश आइग से पोइड़ के नाश होई जाई आउर उकर गरमी से आकाश केर सोउब चीज गइल जाई।

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:6

मोंय तोहरे के एहो याइद कराएक चाहोना कि परमेश्‍वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्‍वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।

प्रकाशितवाक्य 16:15

उ भूतमन राजामन के आउर उमन केर सेनामन के उ ठाँव में जमा करलैं, जेके इब्रानी भाषा में हर-मगिदोन कहल जायला। एहे लगिन प्रभु यीशु कहलक, “सावधान! मोंय चोर नियर अचका आमूँ, धाइन हेके उ, जे जागते रहेला आउर अपन लुगा केर रखवाली करेला, ताकि उ नंगा ना फिरोक, आउर आदमीमन उकर नंगापन के ना देखोक।”

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 21:1

फिन मोंय एक नवाँ आकाश आउर नवाँ धरती के देखलों। काले कि पहिला आकाश आउर पहिला धरती लोप होई जाय रहे, आउर समुदर हों अब नी रहलक।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।

प्रकाशितवाक्य 6:14

आउर आकाश एइसन लोप होई गेलक, जइसन कागज मोढ़ेक से सिकुइड़ जायला आउर हरेक पहार आउर टापू, अपन-अपन ठाँव से हाइट गेलक।