2 पतरस 2:9 - सादरी नवाँ नियम

⁹ इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

2 पतरस 2:9 Iomraidhean Croise

मत्ती 10:15

मोंय तोहरेमन से सच कहाथों कि न्याय केर दिन उ नगर केर आदमी मनक सजा सदोम आउर अमोरा नगर केर आदमी मनक सजा से हों बगरा होवी।

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

रोमानियनमन 2:5

मगर तोहरे हठ कराला आउर पाप करेक के छोड़ेक नी चाहाला, सेकर चलते उ दिन जब परमेश्‍वर अपन खीस के देखाई, जेकर में उ सच्चा न्याय करी, तो तोहरे के ढेइर दंड देवी।

1 कुरिनथियनमन 10:13

तोहरेमन कोनों एइसन परीक्षा में नी पाइड़ हा, जे आदमी केर सहेक से बाहर अहे। आउर परमेश्‍वर बिसवास लायक अहे, उ तोहरेमन के सहेक से बाहर परीक्षा में पड़ेक नी देवी, बल्कि परीक्षा से बचेक में मदइत करी।

2 तीमुथियुस 3:12

मगर जेतना आदमीमन मसीह यीशु में भक्ति केर संगे जिंदगी बिताएक चाहैना उमन सोउब सताल जाबैं।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

2 पतरस 2:4

तोहरेमन जानाला कि ढेइर समय पहिले आबा परमेश्‍वर इ स्वरग दूतमन के हों दंड देवेक से नी छोड़लक जब उमन पाप करलैं। मगर उमन के हेंठे नरक में भेइज देलक, जहाँ उमन के अंधार में सिकड़मन में बाइंध के राइख देलक, जबकि उमन फैसला होवेक केर दिन केर इन्तजार कराथैं, जब उमन के दंड मिली, जेकर उमन लायक हेकैं।

2 पतरस 3:7

जे लेखे परमेश्‍वर दुनिया केर सिरजन होवेक केर आगया देई रहे, ओहे नियर उ आगया देई हे कि एखन केर आकाश आउर धरती तब-तक बनल रहोक जब-तक उ उमन के आइग से ना पोड़ाय देओक। उ, उमन के उ दिन तक रखाथे, जब उ सोउब आदमीमन केर फैसला करी आउर अधरमी आदमीमन के नाश काइर देवी।

यहूदा 1:6

मोंय तोहरे के एहो याइद कराएक चाहोना कि परमेश्‍वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्‍वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।