2 पतरस 2:6 - सादरी नवाँ नियम

⁶ आउर तोहरे एहो जानाला कि ढेइर समय पहिले परमेश्‍वर सदोम आउर अमोरा नगर में रहेक वाला आदमीमन के दंड देलक, काले कि उमन बुरा काम काइर रहैं। से लगिन उ, उमन के पूरा रीति से आइग में भसम काइर देलक आउर उमन राख होई गेलैं। उ एइसन काइर के इ देखालक कि उमन केर का होवी, जेमन उकर डार नी मानैना।

2 पतरस 2:6 Iomraidhean Croise

मत्ती 10:15

मोंय तोहरेमन से सच कहाथों कि न्याय केर दिन उ नगर केर आदमी मनक सजा सदोम आउर अमोरा नगर केर आदमी मनक सजा से हों बगरा होवी।

मत्ती 11:23

हे कफरनहूम नगर केर आदमीमन, तोहरेमन सोचाला कि हमरे स्वरग राइज तक उठाल जाब, एइसन नी होवी, तोहरेमन तो नरक में फेइक देवल जबा। काले कि जे चमत्कार केर काम तोहर माझे करल जाय हे, अगर उ काममन के सदोम नगर में करल जाय रहतक, तो उ नगर आइज तक बनल रहतक।

रोमानियनमन 9:29

जइसन परमेश्‍वर केर संदेश के बताएक वाला यशायाह पहिलेहें कइह रहे कि अगर स्वरग केर सेनामन केर प्रभु हमरेमन के बंश बनेक केर हक नी देतक, तो हमरे सदोम आउर अमोरा नगरमन केर आदमीमन नियर होई जाती, जेमन के परमेश्‍वर पूरा-पुरी नाश काइर देलक।”

1 कुरिनथियनमन 10:11

मगर इ सोउब गोइठमन जे उमन उपरे पड़लक, चेतावनी नियर रहे, आउर इ हमर चेतावनी लगिन पवितर किताब में लिखल जाय हे, जे दुनिया केर आखरी समय में रहिला।

इब्रानीमन 4:11

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।

यहूदा 1:15

सोउब आदमीमन केर फैसला करेक लगिन आवाथे। ताकि आदमीमन जे बुरा काम काइर हैं आउर जेमन परमेश्‍वर केर बिरोध बुरा गोइठ कइह हैं, इ सोउब पापीमन के दंड देओक।”

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।