2 पतरस 2:5 - सादरी नवाँ नियम

⁵ तोहरे इके हों जानाला कि ढेइर समय पहिले नूह केर दिन में परमेश्‍वर दुनिया केर दुष्ट आदमीमन के नी छोड़लक, परमेश्‍वर ढेइर पानी बरसालक आउर उमन के डुबाय के नाश काइर देलक। मगर धरमी बनेक केर बारे परचार करेक वाला नूह सहित आठ आदमीमन के बचाय लेलक।

2 पतरस 2:5 Iomraidhean Croise

इब्रानीमन 11:7

बिसवास से हें नूह, जब परमेश्‍वर उके बाइढ़ पानी आवेक केर चेतावनी देलक, तो उ बाइढ़ पानी कहियो नी देइख रहे फिन भी आगया माइन के अपन परिवार के बचाएक लगिन जहाज बनालक। नूह केर बिसवास करेक से पहिले बाकी दुनिया केर आदमीमन जेमन बिसवास नी करलैं उमन दोषी ठहरलैं, आउर पानी में बोहाय के मोइर गेलैं, मगर नूह केर बारे में परमेश्‍वर कहलक कि उ धरमी रहे, काले कि उ परमेश्‍वर उपरे भरसा करलक।

2 पतरस 3:6

एहे पानी से परमेश्‍वर दुनिया के नाश काइर देलक जे उ बेरा मौजूद रहे। उ तेज बरसा भेजलक आउर इ धरती में बाइढ़ लाइन देलक आउर सोउब जिंदा जीव-जंतु के नाश काइर देलक।