2 पतरस 2:4 - सादरी नवाँ नियम

⁴ तोहरेमन जानाला कि ढेइर समय पहिले आबा परमेश्‍वर इ स्वरग दूतमन के हों दंड देवेक से नी छोड़लक जब उमन पाप करलैं। मगर उमन के हेंठे नरक में भेइज देलक, जहाँ उमन के अंधार में सिकड़मन में बाइंध के राइख देलक, जबकि उमन फैसला होवेक केर दिन केर इन्तजार कराथैं, जब उमन के दंड मिली, जेकर उमन लायक हेकैं।

2 पतरस 2:4 Iomraidhean Croise

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 8:29

उमन चिल्लाय के कहलैं, “हे परमेश्‍वर केर बेटा, तोर से हमरे केर का काम अहे? का तोंय समय से पहिले हमरे के दुःख देवेक आय हिस?”

मरकुस 5:7

आउर जोर से चिल्लाय के कहलक, “हे यीशु, परमप्रधान परमेश्‍वर केर बेटा, मोके तोर से का काम अहे? मोंय तोर से परमेश्‍वर केर नाँव से बिनती कराथों कि मोके ना सताव।”

लूका 10:18

यीशु उमन से कहलक, “जब भूतमन तोहर आगया मानलैं, तो मोंय शैतान के अचका बिजली नियर स्वरग से हेंठे गिरते देखलों।

लूका 8:31

आउर उमन यीशु से बिनती करलैं कि हमरे के बेथाह गढ़हा में जाएक केर आगया ना दे।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

रोमानियनमन 11:21

काले कि जब परमेश्‍वर असली डाइरमन के हों काइट के फेइक देलक, तो तोहरे के हों काइट के फेइक देवी।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

2 पतरस 2:11

स्वरगदूतमन उमन से ढेइर शक्तिशाली अहैं, मगर जब परमेश्‍वर ठिना उमन केर दोष लगायना तो उमन हों उमन केर अपमान नी करैना।

2 पतरस 2:5

तोहरे इके हों जानाला कि ढेइर समय पहिले नूह केर दिन में परमेश्‍वर दुनिया केर दुष्ट आदमीमन के नी छोड़लक, परमेश्‍वर ढेइर पानी बरसालक आउर उमन के डुबाय के नाश काइर देलक। मगर धरमी बनेक केर बारे परचार करेक वाला नूह सहित आठ आदमीमन के बचाय लेलक।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

यहूदा 1:13

जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।

यहूदा 1:6

मोंय तोहरे के एहो याइद कराएक चाहोना कि परमेश्‍वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्‍वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।