2 पतरस 2:3 - सादरी नवाँ नियम

³ इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

2 पतरस 2:3 Iomraidhean Croise

मत्ती 23:14

हे ढोंगी मूसा केर नियम के सिखाएक वाला आउर फरीसी आदमीमन, तोहर उपरे हाय! तोहरेमन बिधवा जनाना मनक घर के धोखा से लुइट लेवाला आउर खुद के धरमी देखाएक लगिन ढेइर देरी तक प्रार्थना करते रहाला, से लगिन तोहरेमन के बगरा सजा भेटाई।

लूका 18:8

मोंय तोहर से कहाथों, उ तुरते उ मनक न्याय करी। मगर जब मोंय आदमी केर बेटा घूइर आमूँ, तो का मोके धरती में मोर उपरे भरसा करेक वाला आदमीमन मिलबैं?”

लूका 20:20

फिन भी उमन यीशु के फँसाएक केर ताक में रहत रहैं। उमन यीशु केर भेद लेवेक लगिन अपन आदमीमन के भेजलैं कि उमन धरमी केर भेष बनाय के यीशु के कोनों ना कोनों गोइठ में फँसाओक, जेकर से उमन उके राजपाल केर हाँथे आउर उकर अधिकार में जिम्मा देवेक पारोक।

लूका 22:47

यीशु इ कहते हें रहे कि एगो भीड़ आय पोहोंचलक। आउर उ बारहों चेलामन में से एक झन जेकर नाँव यहूदा रहे, भीड़ केर आगे-आगे आवत रहे, उ यीशु के चुमा करेक लगिन उकर ठिना आलक।

यूहन्ना 2:16

आउर पेरवाँ बेचाइयामन से कहलक, “इमन के हिंयाँ से लेई जावा। मोर आबा परमेश्‍वर केर घर के बाजार ना बनावा।”

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

2 कुरिनथियनमन 2:17

काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।

1थिस्सलुनीकियनमन 2:5

तोहरेमन जानाला कि हमरे कहियो हों तोहरे के खुश करेक लगिन तोहरे केर बारे में बेस गोइठमन के नी कइह ही, आउर परमेश्‍वर हों गवाही देवेला कि हमरे एइसन नी रही।

1थिस्सलुनीकियनमन 5:3

जब आदमीमन कहबैं कि सोउब कुछ ठीक अहे, आउर कोनों डार नखे, तो उ मनक उपरे अचका बिनाश आवी आउर उमन उ बड़का दुःख से नी बाचबैं। जे लेखे गर्भवती जनाना उपरे जनम देवेक केर दुःख अचका शुरु होवेला।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।

2 पतरस 1:16

जब हमरे चुनल खास चेलामन तोहरे के हमर प्रभु यीशु मसीह केर शक्ति आउर उकर फिन से घूइर आवेक केर बारे में शुभ समाचार बताली, तो हमरे तोहरे के चतुराई से बनाल कहनी नी बतात रही, मगर हमरे मसीह केर महिमा अपन आँइख से देइख रही।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

यहूदा 1:11

उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।

यहूदा 1:15

सोउब आदमीमन केर फैसला करेक लगिन आवाथे। ताकि आदमीमन जे बुरा काम काइर हैं आउर जेमन परमेश्‍वर केर बिरोध बुरा गोइठ कइह हैं, इ सोउब पापीमन के दंड देओक।”

यहूदा 1:16

आदमीमन हमेशा परमेश्‍वर केर बिरोध बोलैना आउर दोसर आदमीमन में गलती खोजैना। उमन लगातार उ बुरा काममन के करैना जे उमन केर मन करेक चाहेला। उमन अपन बारे में घमंड करैना आउर अपन लाभ लगिन दोसर आदमीमन केर मुँह देखी बड़ाई करैना।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।