2 पतरस 2:21 - सादरी नवाँ नियम

²¹ मोर कहेक केर मतलब इ हेके कि जेमन मसीह के जाइन के छोइड़ देवैना उमन के जेमन मसीह के कहियो हें नी अपनाय हैं उमन से बगरा दंड मिली। उमन लगिन एहे बेस होतक कि उमन कहियो इ नी जानतैं कि अपन जिंदगी के धरमी तरीका से चलाएक केर का मतलब होवेला। अब उमन जानैना कि ठीक का हेके, मगर उमन परमेश्‍वर केर उ आगयामन के मानेक छोइड़ देलैं, जेके हमरे उमन के देई रही।

2 पतरस 2:21 Iomraidhean Croise

मत्ती 21:32

काले कि यूहन्ना बपतिस्मा जल संस्कार देवेक वाला धरमी जिंदगी जियेक केर डहर बताएक लगिन तोहर ठिना आलक, आउर तोहरेमन उकर उपरे बिसवास नी करला, मगर मालगुजारी लेवाइयामन आउर बेश्यामन उकर उपरे बिसवास काइर के पाप करेक छोइड़ देलैं। तोहरेमन इ सोउब के देखला, फिन भी पाछे पसताप काइर के उकर उपरे बिसवास नी करला।”

लूका 12:47

आउर उ धांगर जे अपन मालिक केर इच्छा के जाइन के हों, खुद के तेयार नी करलक, आउर अपन मालिक केर इच्छा केर मोताबिक काम नी करलक, उ मुरुक माउर खाई।

यूहन्ना 15:22

अगर मोंय नी आतों आउर उमन के बचन के नी बतातों, तो उमन पापी नी गिनातैं मगर अब उमन ठिना अपन पाप केर लगिन कोनों बहना नखे।

यूहन्ना 9:41

यीशु उमन से कहलक, “अगर तोहरेमन अंधरा होता तो तोहरेमन पापी नी गिनाता, मगर अब कहाथा कि हमरे देखिला, से लगिन तोहर पाप क्षमा नी करल जाई।”

रोमानियनमन 7:12

इ नियर हमरे देखिला कि मूसा केर नियम पवितर अहे, आउर उकर आगया हों पवितर, धरमी आउर भला अहे।

गलातियनमन 6:2

हमर में से जेमन दुःखमन में अहैं, तो हमरे के उमन केर मदइत करेक चाही, एहे नियर हमरे मसीह केर नियम के मानिला।

1थिस्सलुनीकियनमन 4:2

काले कि तोहरेमन जानाला कि जे आगया हमरे तोहरे के देई ही, उ प्रभु यीशु बटले आय हे।

1 तीमुथियुस 6:14

कि तोंय उ सोउब कुछ के कर जेके पूरा करेक लगिन परमेश्‍वर तोके आगया देई हे, ताकि केऊ हों प्रभु यीशु मसीह केर धरती में घूइर आवेक तक, तोर उपरे कोनों गलत करेक केर दोष ना लगाएक पारोक।

इब्रानीमन 10:26

हमरे के उ चीजमन के करेक जरुरी अहे, काले कि सच्चाई केर शुभ समाचार के जानल केर पाछे, हमरे जाइन बुइझ के पाप करते रहब, तो हमरे केर पापमन के दूर करेक लगिन आउर कोनों बलिदान बचल नखे।

याकूब 4:17

एहे लगिन जे केऊ भलाई करेक जानेला आउर नी करेला, उकर लगिन इ पाप हेके।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।