2 पतरस 2:2 - सादरी नवाँ नियम

² परमेश्‍वर केर ढेइर आदमीमन इ झूठा शिक्षा के बताएक वालामन केर बुरा काममन केर नकल करबैं, आउर जे कोनोवें उमन करबैं उकर चलते, आदमीमन परमेश्‍वर बटे लेई जाएक वाला डहर केर बारे में निंदा करबैं।

2 पतरस 2:2 Iomraidhean Croise

मत्ती 22:16

से लगिन उमन अपन चेलामन के हेरोदेस राजा केर साथ देवेक वालामन केर संगे यीशु ठिना इ कइह के भेजलैं कि “हे गुरु, हमरे जानिला कि तोंय सोउब बेरा सच गोइठ के बताइसला आउर परमेश्‍वर केर डहर केर गोइठमन के सच्चाई से बताइसला। तोंय इ परवाह नी करिसला कि दोसरमन तोर गोइठ केर बारे में का सोचैना। तोंय सोउब केर संगे एके लेखे ब्यवहार करिसला।

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 7:14

जे दुरा नान आउर जे डहर में हिंठेक कठिन अहे उ जुग-जुग केर जिंदगी बटे लेई जायला, आउर थोरेक आदमीमन इ दुरा आउर डहर से ढुकैना आउर जुग-जुग केर जिंदगी के पावैना।

मरकुस 12:14

आउर उमन उकर ठिना आय के कहलैं, “हे गुरु, हमरे जानिला कि तोंय सोउब बेरा सच गोइठ के बताइसला आउर तोंय इ परवाह नी करिसला कि दोसरमन तोर गोइठ केर बारे में का सोचैना। तोंय सोउब केर संगे एके लेखे ब्यवहार करिसला आउर परमेश्‍वर केर डहर केर गोइठमन के सच्चाई से बताइसला।” अब तोंय हमरे के इ बताव, “महाराजा के मालगुजारी देवेक मूसा केर नियम केर मोताबिक उचित अहे, कि निहीं?

मरकुस 13:22

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

खास चेलामन केर काम 13:10

“हे सोउब कपटी आउर सोउब चतुराई से भरल शैतान केर संतान! तोंय हरेक भला गोइठमन केर दुश्मन हेकिस, का तोंय प्रभु केर सोझ डहरमन के टेढ़ा करेक नी छोड़बे?

खास चेलामन केर काम 14:2

मगर जे यहूदी आदमीमन बिसवास नी काइर रहैं, उमन परजाइत आदमीमन के उसकालैं आउर उ मनक मन में बिसवासी भाई-बहिनमन केर बिरोध में जहर भाइर देलैं।

खास चेलामन केर काम 16:17

उ पौलुस आउर हमरे केर पिछे आय के चिल्लाएक लगलक, “इ आदमीमन परमप्रधान परमेश्‍वर केर दास हेकैं, जेमन बतायना कि तोहरे कइसन छुटकारा पाबा।”

खास चेलामन केर काम 18:26

उ यहूदी मनक प्रार्थना घर में निडर होई के कहेक लगलक। जब प्रिस्किल्ला आउर अक्विला उकर उपदेस के सुनलैं, तो अपुल्लोस के अपन घर में लेई गेलैं आउर बेस लेखे परमेश्‍वर केर डहर केर शिक्षा के उके बतालैं।

खास चेलामन केर काम 19:9

मगर उमन में से थोरेक आदमीमन ढींठ होई के उकर गोइठ उपरे बिसवास नी करलैं आउर आदमीमन केर सामने इ डहर के बुरा कहेक लगलैं। से लगिन पौलुस उमन से नाता तोइर देलक आउर अपन चेलामन के हूवाँ से हटाय लेलक। उ रोज दिन तुरन्नुस स्कूल में परमेश्‍वर केर राइज केर बारे में शिक्षा देवत रहे।

खास चेलामन केर काम 22:4

मोंय यीशु मसीह केर डहर में चलेक वाला आदमीमन के जान लेवेक तक सतात रहों, मरदाना आउर जनाना दुयो के बाइंध-बाइंध के जेहेल घर में साइज देवत रहों।

खास चेलामन केर काम 24:14

मोंय तोर सामने माइन लेवाथों कि मोंय यीशु मसीह केर चेला बाइन के अपन पुरखामन केर परमेश्‍वर केर भक्ति करोना, आउर जे गोइठमन मूसा केर नियम आउर परमेश्‍वर केर संदेश के बताएक वालामन केर किताबमन में लिखल अहे, उ सोउब में बिसवास करोना। जेके यहूदी अगुवामन बुरा डहर कहैना।

रोमानियनमन 2:24

काले कि तोहरे यहूदीमन केर बुरा काममन केर चलते, परजाइत आदमीमन परमेश्‍वर केर नाँव केर निंदा कराथैं। से लगिन पवितर किताब में लिखल अहे,

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

तीतुस 2:5

आउर संयम, अपन पति केर परती ईमानदार, घर के बेस से चलाएक वाला, दोसरमन के दया करेक वाला आउर अपन-अपन पति केर आदर करेक वाला होवोक, ताकि केऊ परमेश्‍वर केर संदेश केर बारे में निंदा करेक ना पारोक।

तीतुस 2:8

आउर सच्चाई के एइसन सिखाव जेकर बुराई करेक नी पराई, ताकि तोर दुश्मन के बिरोध में कहेक केर कोनों मोका ना मिलोक आउर उ लाजिम होई जाओक।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

2 पतरस 2:12

मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।

2 पतरस 2:15

उमन भला काम करेक छोइड़ देई हैं आउर उमन ओहे लेखे केर बुरा काम करेक शुरु काइर देई हैं, जे कि बओर केर बेटा बिलाम ढेइर समय पहिले काइर रहे। उके गलत काम काइर के पइसा कमाएक बेस लगत रहे।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

2 पतरस 2:21

मोर कहेक केर मतलब इ हेके कि जेमन मसीह के जाइन के छोइड़ देवैना उमन के जेमन मसीह के कहियो हें नी अपनाय हैं उमन से बगरा दंड मिली। उमन लगिन एहे बेस होतक कि उमन कहियो इ नी जानतैं कि अपन जिंदगी के धरमी तरीका से चलाएक केर का मतलब होवेला। अब उमन जानैना कि ठीक का हेके, मगर उमन परमेश्‍वर केर उ आगयामन के मानेक छोइड़ देलैं, जेके हमरे उमन के देई रही।

2 पतरस 2:7

मगर इकर से पहिले कि उ सदोम शहर के नाश करलक, परमेश्‍वर लूत के जे एगो धरमी आदमी रहे, उके शहर से निकलाय देलक आउर इ लेखे उके बचाय लेलक। लूत ढेइर दुःखी रहे, काले कि सदोम शहर केर आदमीमन कोनोवें नियम के नी मानत रहैं आउर लज्जा केर काम करत रहैं।

यहूदा 1:10

मगर इ आदमीमन जे गोइठमन के नी जानैना, उमन के बुरा भला कहैना, मगर जे गोइठमन के अनबुझ जानवरमन नियर स्वभाव से हें बुझैना, आउर इ पापी काममन के करेक केर चलते उमन खुद के नाश करैना।

यहूदा 1:15

सोउब आदमीमन केर फैसला करेक लगिन आवाथे। ताकि आदमीमन जे बुरा काम काइर हैं आउर जेमन परमेश्‍वर केर बिरोध बुरा गोइठ कइह हैं, इ सोउब पापीमन के दंड देओक।”

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

यहूदा 1:7

तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्‍वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।