2 पतरस 2:18 - सादरी नवाँ नियम

¹⁸ जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

2 पतरस 2:18 Iomraidhean Croise

खास चेलामन केर काम 2:40

पतरस ढेइर गोइठमन से गवाही देई-देई के आउर इ कइह के उमन से बिनती करलक कि इ पीढ़ी केर दुष्ट आदमीमन से खुद के बचाय के रखा।

खास चेलामन केर काम 8:9

उ शहर में फिलिप्पुस केर आवेक से आगे सिमोन नाँव केर एगो आदमी रहत रहे, जे थोरेक समय से जादू-टोना काइर के सामरिया परदेस केर आदमीमन के चकित काइर देवत रहे आउर खुद के एगो महान आदमी बतात रहे।

रोमानियनमन 13:13

आउर जइसन आदमीमन अंधार में निहीं मगर इंजोत में रहैना, तइसनेहें आवा हमरे हों बेस ब्यवहार करब, ना कि लीला-क्रीड़ा आउर पियंक्‍कड़पन में, ना ब्यभिचार आउर लुचा काममन में, आउर ना झगरा आउर डाह में जिंदगी बिताब।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

2 थिस्सलुनीकियनमन 2:4

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

याकूब 5:5

तोहरेमन दुनिया में मौज-मस्ती केर जिंदगी जियाला आउर ढेइरे सुख भोगाला। जइसन जानवर के काटल जाएक केर दिन लगिन मोटा-तगड़ा तेयार करल जायला, ओहे लेखे तोहरेमन दंड पावेक लगिन तेयार करल जाय हा।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

2 पतरस 2:14

उमन हर एक जनाना केर संगे गलत संबंध रखेक चाहैना, जेके उमन देखैना। उमन पाप करेक केर मोका सोउब बेरा खोजते रहैना, उमन उ आदमीमन के धोखा देवैना जेमन मसीह में मजबूती से भरसा नी करैना, आउर उमन के पाप बटे लेई जायना। उमन केर बगरा से बगरा चीजमन के पावेक केर लालसा केर खातिर परमेश्‍वर उमन के दंड देवी।

2 पतरस 2:2

परमेश्‍वर केर ढेइर आदमीमन इ झूठा शिक्षा के बताएक वालामन केर बुरा काममन केर नकल करबैं, आउर जे कोनोवें उमन करबैं उकर चलते, आदमीमन परमेश्‍वर बटे लेई जाएक वाला डहर केर बारे में निंदा करबैं।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 2:7

मगर इकर से पहिले कि उ सदोम शहर के नाश करलक, परमेश्‍वर लूत के जे एगो धरमी आदमी रहे, उके शहर से निकलाय देलक आउर इ लेखे उके बचाय लेलक। लूत ढेइर दुःखी रहे, काले कि सदोम शहर केर आदमीमन कोनोवें नियम के नी मानत रहैं आउर लज्जा केर काम करत रहैं।

2 पतरस 3:17

इ लगिन हे दुलार बिसवासी भाई-बहिनमन, तोहरे पहिलेहें से इ गोइठमन के जाइन हा, से लगिन सावधान रहा, ताकि अधरमी आदमीमन केर बहकाएक में फाँइस के मसीह में अपन बिसवास के हेराय ना देवा।

यहूदा 1:13

जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।

प्रकाशितवाक्य 13:11

फिन मोंय एगो आउर जानवर के धरती में से निकलते देखलों। उकर मेमना केर नियर दूई गो सींग रहे आउर उ अजगर केर नियर बोलत रहे।