2 पतरस 2:12 - सादरी नवाँ नियम

¹² मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।

2 पतरस 2:12 Iomraidhean Croise

मरकुस 7:22

लोभ, दुष्टता, छल, लुचपन, बुरा नजइर, निंदा, घमंड आउर मूरखता निकलेला।

यूहन्ना 8:21

यीशु उमन से फिन कहलक, “मोंय जाथों, आउर तोहरेमन मोके खोजबा, आउर तोहरेमन बेगर पाप क्षमा पाले मोइर जबा। से लगिन मोंय जहाँ जाथों, हूवाँ तोहरेमन आवेक नी पारबा।”

गलातियनमन 6:8

अगर केऊ आदमी अपन काया केर इच्छामन के पूरा करेला, तो उके जुग-जुग केर दंड मिली। आउर अगर केऊ पवितर आत्मा केर इच्छामन के पूरा करेला, तो उके जुग-जुग केर जिंदगी मिली।

कुलुसियनमन 2:22

इ सोउब नियममन कोनों काम केर नखे, काले कि इ आदमीमन केर बनाल नियममन हेके।

2 पतरस 1:4

इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

2 पतरस 2:19

उमन आदमीमन से करार करैना कि जे कुछ भी उमन करेक चाहैना उके करेक लगिन आजाद अहैं, हालाँकि उमन खुद गुलाम नियर अहैं, काले कि जेके जे चीज केर आदत होई जायला, तो उ जेके करेला, उकर गुलाम बाइन जायला।

यहूदा 1:10

मगर इ आदमीमन जे गोइठमन के नी जानैना, उमन के बुरा भला कहैना, मगर जे गोइठमन के अनबुझ जानवरमन नियर स्वभाव से हें बुझैना, आउर इ पापी काममन के करेक केर चलते उमन खुद के नाश करैना।