2 पतरस 2:1 - सादरी नवाँ नियम

¹ जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

2 पतरस 2:1 Iomraidhean Croise

मत्ती 10:33

मगर जे केऊ मोके आदमीमन केर सामने इंकार करी, तो मोंय हों अपन स्वरगीय आबा केर सामने उके अपन चेला मानेक से इंकार करमूँ।

मत्ती 24:11

आउर ढेइर झूठा आदमीमन परमेश्‍वर केर संदेश के बताएक वाला बाइन के आबैं आउर ढेइर आदमीमन के बहकाय देबैं।

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 24:5

काले कि ढेइर आदमीमन एइसन होबैं, जे मोर नाँव से आय के कहबैं, ‘मोंय मसीह हेकों।’ आउर ढेइर आदमीमन के बहकाय देबैं।

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

मरकुस 13:22

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

लूका 12:9

मगर आदमीमन केर सामने जे मोके इंकार करी, तो मोंय हों परमेश्‍वर केर स्वरगदूत मनक सामने उके अपन चेला मानेक से इंकार करमूँ।

लूका 21:8

यीशु जबाब देलक, “सावधान रहा, बहइक ना जबा, काले कि ढेइर आदमीमन मोर नाँव से आय के कहबैं, ‘मोंय मसीह हेकों!’ आउर इ हों कहबैं, ‘समय भीरे आय पोंहइच हें।’ तोहरेमन उ मनक पिछे ना चाइल जबा।

लूका 6:26

हाय, जब सोउब आदमी तोहर बड़ाई करबैं, काले कि उ मनक बाप-दादामन हों झूठा संदेश देवेक वालामन केर एइसनेहें बड़ाई करत रहैं।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

1 कुरिनथियनमन 11:19

मगर सचमुच में तोहरे केर माझे फूट होवेक चाही, ताकि जेमन परमेश्‍वर केर हेकैं, उमन केर पता चाइल जाई।

1 कुरिनथियनमन 6:20

परमेश्‍वर तोहरे के दाम देई के कीन लेई हे, से लगिन अपन काया से परमेश्‍वर केर महिमा करा।

1 कुरिनथियनमन 7:23

परमेश्‍वर तोहरेमन के दाम देई के कीन लेई हे, आदमीमन केर धांगर ना बना मगर परमेश्‍वर केर धांगर बना।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

गलातियनमन 4:17

उमन तोहरेमन के अपन बटे मिलाएक तो चाहैना, मगर भटकाएक लगिन, उमन केर इच्छा तो इ अहे कि तोहरेमन मोर से जुदा होई जावा, आउर उमन केर चेला बाइन जावा।

गलातियनमन 5:20

मूर्ति पूजा, जादू-टोना, बैर, झगरा, हिसिंगा, खीस, बिरोध, अनबन, एक दोसर से जलन,

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

फिलिप्पियनमन 3:19

उ मनक अंत बिनाश हेके, काया केर जरुरत हें उ मनक ईश्‍वर हेके, उमन अपन लाज केर काममन उपरे घमंड करैना, आउर दुनिया केर चीजमन उपरे सोचते रहैना।

कुलुसियनमन 2:18

केऊ हों आदमी जे नरम बनेक केर देखावा करेला आउर स्वरगदूतमन केर पूजा करेक में लीन रहेला, तोहरे के तोहर इनाम से दूर करेक ना पारोक, एइसन आदमी अपन देखल झूठा ईश्‍वरीय दर्शनमन केर बखाइन बिस्तार से करेला आउर इ दुनिया केर बुद्धि केर चलते घमंड से फूइल जायला।

कुलुसियनमन 2:8

चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।

1 तीमुथियुस 5:8

अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

2 तीमुथियुस 4:3

काले कि एइसन समय आवी कि आदमीमन खरा उपदेस के सुनेक नी खोजबैं, मगर उमन अपन मन केर इच्छा मोताबिक चलबैं आउर ढेइर सिखाएक वालामन के खोइज लेबैं। जेमन ओहे गोइठमन के बताबैं जेके उमन सुनेक खोजैना।

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 3:10

अगर केऊ कलीसिया के तोरेक वाला अहे, तो उके कम से कम दूई बेर चेताव कि उ एइसन ना करोक, फिन भी अगर उ एइसनेहें करते रहेला तो उकर से अलगे होई जा।

इब्रानीमन 10:29

अगर मूसा केर नियम केर मोताबिक एइसन दंड अहे, तो उ आदमी केर दंड आउरे बगरा होवी जे परमेश्‍वर केर बेटा के घिरना करेला, काले कि उ परमेश्‍वर केर बेटा केर आदर नी करलक आउर उके अपन गोड़ से रवाइंद देलक। उ मसीह केर लोहू के अशुद्ध मानलक, जे लोहू से परमेश्‍वर उके पवितर करेक लगिन नवाँ करार के शुरु काइर हे, आउर उ पवितर आत्मा केर हों अपमान करलक जेकर जरिया से उ किरपा पाय रहे।

1 पतरस 1:8

तोहरेमन यीशु के कहियो नी देइख हा फिन भी उकर से प्रेम कराला। एखन तोहरेमन उके नी देखाला मगर तोहरे उकर उपरे बिसवास कराला। से लगिन तोहरे खुशी आउर महिमा से मुरुक खुश अहा, जेकर बखाइन करेक नी पराई।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

1 यूहन्ना 2:26

मोंय तोहरेमन के इ गोइठमन के उमन केर बारे में लीख हों, जेमन झूठा शिक्षा देई के तोहरेमन के भटकाएक केर कोशिश करैना।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

यहूदा 1:18

उमन तोहरेमन से कहत रहैं, “आखरी समय में एइसन मजाक करेक वालामन आबैं, जे अपन अधरम केर वासनामन केर इच्छामन केर मोताबिक चाल चलबैं।”

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:9

मोंय तोर दुःख आउर गरीबी के जानोना, मगर हकीकत में तोंय धनी अहिस। आउर जे आदमीमन खुद के यहूदी कहैना आउर ना लगैं, मगर शैतान केर सभा हेकैं, उमन केर निंदा के हों जानोना।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”