2 पतरस 1:8 - सादरी नवाँ नियम

⁸ काले कि अगर इ गोइठमन तोहर में बनल अहे आउर बढ़ते जाई, तो इ हमर प्रभु यीशु मसीह केर गेयान के पावेक से तोहरे के बेकार आउर हारेक नी देवी।

2 पतरस 1:8 Iomraidhean Croise

मत्ती 13:22

एहे लेखे काँटा झूँड़ से भरल भूंई उ आदमी नियर अहे जेकर उपरे बिहीन गिरलक, उ बचन के सुनेला मगर दुनिया केर चिंता-फिकिर, आउर धन केर मोह-माया उकर मन में भाइर जायला आउर बचन के दबाय देवेला आउर बेगर फार केर जिंदगी जियेला।

मत्ती 20:3

लगभग नौ बजे उ बाहरे निकललक तो चौकमन में थोरेक आउर कमियामन के बेकार ठड़ाल देइख के

मत्ती 20:6

साँझ के लगभग पाँच बजे हों फिन उ निकइल के आउरो कमियामन के ठड़ाल पालक, आउर उमन से कहलक, ‘तोहरेमन काले हिंयाँ दिन भइर बेकार ठड़ाल रहला?’ उमन उकर से कहलैं, ‘इ लगिन कि हमरे के केऊ हों काम नी देलैं।’

मत्ती 25:26

उकर मालिक उके जबाब देलक, ‘हे दुष्ट आउर कोढ़िया धांगर! जब तोंय इ जानत रहिस कि जहाँ मोंय बिहीन नी बुनोना हूवाँ से काटेक केर आसरा रखोना, आउर जहाँ मोंय नी छिटोना हूवाँ से जमा करेक खोजोना।

यूहन्ना 15:2

जे लरंग मोर में जुड़ल अहे, आउर उ नी फारेला, तो उके मोर आबा परमेश्‍वर काइट देवेला, आउर जे लरंग फारेला, उके आबा परमेश्‍वर छाँटेला ताकि उ लरंग ढेइर फारोक।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 5:42

मगर मोंय तोहरेमन के जानोना कि तोहरेमन अपन मन में परमेश्‍वर से प्रेम नी कराला।

रोमानियनमन 12:11

खूब मेहनइत करा आउर कोढ़िया ना होवा, अपन मन में जोश से भरल रहा, प्रभु केर सेवा मन लगाय के करा।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 13:5

खुद के परखा कि तोहरे बिसवास में अहा कि निहीं, का तोहरेमन अपन बारे में इ नी जानाला कि यीशु मसीह तोहर में अहे? निहीं तो तोहरेमन निकम्मा अहा।

2 कुरिनथियनमन 8:2

जब उमन ढेइर दुःखमन से परखल गेलैं, तो उमन ढेइर खुश होलैं आउर भारी गरीबी में उमन खुला दिल से दोसर बिसवासीमन के मदइत करलैं।

2 कुरिनथियनमन 8:7

से लगिन जइसन हर गोइठ में, मतलब बिसवास, बचन परचार करेक केर हैसियत, गेयान आउर सोउब रकम केर कोशिश, आउर उ प्रेम में जे हमरे से रखाला, बढ़ते जावाला, तइसनेहें गरीब बिसवासीमन लगिन दान देवेक केर काम में हों बढ़ते जावा।

2 कुरिनथियनमन 9:14

उमन तोहर लगिन प्रार्थना करैना आउर तोहरे के प्रेम करैना, काले कि उमन जानैना कि परमेश्‍वर तोहरे उपरे महान किरपा काइर हे।

फिलिप्पियनमन 1:9

आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक।

फिलिप्पियनमन 2:5

जइसन मसीह यीशु केर स्वभाव रहे। तइसनेहें तोहर हों स्वभाव होवोक।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

कुलुसियनमन 2:7

आउर उकरे में मजबूत होते आउर बढ़ते जावा, आउर जइसन तोहरेमन के सिखाल जाय हे तइसनेहें बिसवास में पोक्ता होते जावा, आउर लगातार परमेश्‍वर के धन्यबाद देते रहा।

कुलुसियनमन 3:16

मसीह केर बचन के अपन मन में भरपूरी से बसेक देवा। आउर सिद्ध गेयान सहित एक दोसर के सिखाते आउर चेताते रहा। आउर अपन-अपन मन में धन्यबाद देते परमेश्‍वर लगिन आराधना आउर स्तुति गान आउर आत्मिक गीत गाते रहा।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 5:13

आउर इकर अलावा उमन घर-घर घुइम के कोढ़िया सीख जायना, आउर कोढ़िया भइर निहीं, मगर बकर-बकर काइर के दोसर मनक चुगली करैना आउर उ मनक काम के बिगड़ायना। उमन एइसन गोइठ के गोठियायना जेके नी गोठियाएक चाही।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

फिलेमोन 1:6

मोंय इ प्रार्थना करोना कि बिसवासीमन केर संगे तोर इ संगति बढ़ते जाओक, ताकि तोंय उ सोउब बेस चीजमन के पूरा-पुरी समझेक पारबे, जेके परमेश्‍वर हमरे के देई हे आउर इकर चलते आदमीमन मसीह केर महिमा करबैं।

2 पतरस 1:2

मोंय प्रार्थना करोना कि जइसन-जइसन तोहरे परमेश्‍वर आउर हमर प्रभु यीशु मसीह केर गेयान में बढ़ाला, तइसनेहें परमेश्‍वर केर किरपा आउर शांति तोहर में भरपूरी से बढ़ते जाओक।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।