2 पतरस 1:4 - सादरी नवाँ नियम

⁴ इ सोउब से परमेश्‍वर हमरे के ढेइर महान आउर किमती बरदान देई हे जेकर करार उ काइर रहे। ताकि हमरे इ बरदानमन केर इस्तेमाल काइर के दुनिया केर उ बुरा लालसामन से बचेक पारब, जे आदमीमन के नाश करेला। जेकर से हमरे परमेश्‍वर केर स्वभाव केर भागीदार बनेक पारब।

2 पतरस 1:4 Iomraidhean Croise

रोमानियनमन 9:4

उमन इसराइली आदमी हेकैं जइसन मोंय, उमन परमेश्‍वर केर बालपोस बढ़ाल संतान बनेक लगिन चुनल जाय हैं, आउर महिमा आउर करार आउर मूसा केर नियम पाय हैं, आउर भक्ति आउर करारमन ओहेमन केर हेके।

2 कुरिनथियनमन 1:20

काले कि परमेश्‍वर केर जेतना करारमन अहे उ सोउब मसीह में हाँ केर साथ पूरा होलक, आउर से लगिन हमरे यीशु मसीह केर द्वारा से परमेश्‍वर केर महिमा लगिन आमीन कहिला।

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

2 कुरिनथियनमन 6:17

इ लगिन पवितर किताब में प्रभु हमरे से कहेला, “उ आदमीमन केर माझे से निकला, जेमन परमेश्‍वर केर पिछे नी चलैना, आउर अशुद्ध काममन से दूर रहा, तो मोंय तोहरेमन के ग्रहण करमूँ।

गलातियनमन 3:16

एहे नियर करारमन, अब्राहम के आउर उकर बंश के देवल गेलक, पवितर किताब में इ लिखल नखे कि उकर बंशमन के, जइसन कि ढेइरमन केर बारे में कहल अहे, मगर एगो केर बारे में कहल अहे, “तोर बंश के” आउर उ मसीह हेके।

गलातियनमन 6:8

अगर केऊ आदमी अपन काया केर इच्छामन के पूरा करेला, तो उके जुग-जुग केर दंड मिली। आउर अगर केऊ पवितर आत्मा केर इच्छामन के पूरा करेला, तो उके जुग-जुग केर जिंदगी मिली।

इफिसियनमन 4:13

आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

कुलुसियनमन 3:10

आउर अब तोहरे नवाँ स्वभाव के अपनाय लेई हा, इकर सिरजाएक वाला परमेश्‍वर इके आउर बगरा अपन स्वभाव में बदलते जाथे, ताकि तोहरे उके बेस लेखे जानेक पारबा।

इब्रानीमन 12:10

इ धरती केर हमर आबामन के, जइसन बेस बुझालक तइसन उमन थोरेक दिनमन लगिन ताड़ना करत रहैं, मगर परमेश्‍वर हमरे केर भलाई लगिन ताड़ना करेला, ताकि हमरे हों उकर नियर पवितर बाइन जाब।

इब्रानीमन 9:15

एहे खातिर मसीह नवाँ करार केर मिलाएक वाला हेके, ताकि जेमन के परमेश्‍वर बटले बोलाल जाय हे उमन जुग-जुग केर आशीषमन के पाओक, जेकर करार परमेश्‍वर काइर हे। एइसन इ लगिन करेक परायला, काले कि मसीह उमन के, उ पापमन केर दंड से छुटकारा देवेक लगिन प्राण देलक, जे पापमन के उमन पहिला करार केर समय में काइर रहैं।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 पतरस 3:13

मगर हमरे बिसवासी आदमीमन परमेश्‍वर केर करार केर मोताबिक एगो नवाँ आकाश आउर नवाँ धरती केर आसरा देखाथी, जहाँ सिरिफ धरमी आदमीमन रहैना।

2 पतरस 3:9

थोरेक आदमीमन सोचैना कि प्रभु अपन घूइर आवेक केर करार के पूरा करेक में देरी कराथे, मगर एइसन नखे, उ तोहरेमन केर चलते धीरज धराथे। उ चाहेला कि केऊ हों नाश ना होवोक, मगर हर केऊ अपन मन के फिराओक आउर पाप काम करेक छोइड़ देओक आउर प्रभु ठिना आय जाओक।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।