2 पतरस 1:3 - सादरी नवाँ नियम

³ परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 1:3 Iomraidhean Croise

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

रोमानियनमन 9:24

मतलब हमरे उपरे जेमन के उ ना सिरिफ यहूदीमन में से, बल्कि परजाइत आदमीमन में से हों चुनलक।

1 कुरिनथियनमन 1:9

परमेश्‍वर सच्चा अहे, जे तोहरेमन के अपन बेटा हमर प्रभु यीशु मसीह केर संगति में बोलाय हे।

2 कुरिनथियनमन 12:9

आउर प्रभु मोर से कहलक, “मोर किरपा तोर लगिन काफी अहे, काले कि मोर शक्ति कमजोरी में सिद्ध होवेला।” इ लगिन मोंय ढेइर खुशी से अपन कमजोरीमन उपरे घमंड करमूँ कि मसीह केर शक्ति मोर उपरे छाँई करते रहोक,

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

इफिसियनमन 4:4

हमरे सोउब एके गो काया में जुड़ल अही, (मतलब कलीसिया में) आउर हमरे सोउब के एके गो आत्मा मिल हे। जब तोहरेमन परमेश्‍वर केर आदमी बनेक लगिन चुनल गेला, तब तोहरे के जे आसरा मिल हे ओहे आसरा हमरेमन के हों मिल हे।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

कुलुसियनमन 1:16

काले कि इ ओहे रहे जे सोउब कुछ के सिरजेक लगिन परमेश्‍वर केर संगे काम करलक। उकरे में समूचा चीजमन केर सिरजन होलक, स्वरग केर, चाहे धरती केर, देखल, चाहे बेगर देखल, सिंहासन होवोक चाहे राइज चलाइयामन, मालिकमन होवोक चाहे अधिकारमन, समूचा चीजमन उकरे बटले आउर उखे आदर देवेक लगिन सिरजाल जाय हे।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

1थिस्सलुनीकियनमन 4:7

काले कि परमेश्‍वर हमरे के अशुद्ध जिंदगी जियेक लगिन निहीं, मगर पवितर जिंदगी जियेक लगिन बोलाय हे।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

1 तीमुथियुस 4:8

काले कि काया केर साधना से थोरके फायदा होवेला, मगर परमेश्‍वर केर भक्ति से सोउब गोइठमन लगिन फायदा होवेला, काले कि इकर से एखन इ जिंदगी में आउर पाछे आवेक वाला जिंदगी में हों इनाम केर करार करल जाय हे।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

1 पतरस 1:15

मगर जइसन तोहरे केर बोलेक वाला पवितर अहे, तइसनेहें तोहरे हों अपन सोउब चाइल-चलन में पवितर बना।

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।

1 पतरस 2:21

आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

2 पतरस 1:2

मोंय प्रार्थना करोना कि जइसन-जइसन तोहरे परमेश्‍वर आउर हमर प्रभु यीशु मसीह केर गेयान में बढ़ाला, तइसनेहें परमेश्‍वर केर किरपा आउर शांति तोहर में भरपूरी से बढ़ते जाओक।

2 पतरस 1:5

इ लगिन तोहरे सिरिफ मसीह उपरे बिसवास करेक वाला ना बना, मगर बेस चाइल-चलन चलेक वाला बना। तोहरे सिरिफ बेस चाइल-चलन चलेक वाला ना बना, मगर इखो जाना कि कइसन समझदारी केर संगे ब्यवहार करेक अहे।

2 पतरस 1:6

तोहरे सिरिफ समझदारी से ब्यवहार करेक वाला ना बना, मगर अपन उपरे काबू रखेक वाला हों बना। तोहरे सिरिफ अपन उपरे काबू रखेक वाला ना बना, मगर दुःखमन में धीरज रखेक वाला हों बना। तोहरे सिरिफ धीरज रखेक वाला हें ना बना, मगर एइसन जिंदगी जियेक वाला हों बना जे परमेश्‍वर के खुश करेला।

2 पतरस 1:8

काले कि अगर इ गोइठमन तोहर में बनल अहे आउर बढ़ते जाई, तो इ हमर प्रभु यीशु मसीह केर गेयान के पावेक से तोहरे के बेकार आउर हारेक नी देवी।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।