2 पतरस 1:19 - सादरी नवाँ नियम

¹⁹ हमरेमन हों जानिला कि मसीह केर बारे में परमेश्‍वर केर संदेश के बताएक वालामन जे बचन लीख रहैं, उ बचनमन फिर से उकर घूइर आवेक केर बारे में सफा-सफा बतायला। अगर तोहरे इ बचन में धेयान देबा, तो तोहरे बेस काम करबा, काले कि इ एगो दीया नियर अहे, जे अंधार ठाँव में चमकेला जब तक कि दिन नी निकलेला, आउर मसीह केर इंजोत तोहर दिल में चमकेला, जे नियर बड़ बिहान केर तइरगन दुनिया में इंजोत लानेला।

2 पतरस 1:19 Iomraidhean Croise

मत्ती 4:16

इ आदमीमन पाप रुपी अंधार में रहत रहैं, इमन पापमन केर सजा से बचेक केर डहर देखलैं, आउर जे आदमीमन अंधार केर परदेस में आत्मा से मोरल रहैं, उमन के जिंदगी पावेक केर डहर दिसलक।”

यूहन्ना 5:35

यूहन्ना बरते आउर चमकते दीया नियर रहे आउर उकर इंजोत में थोरेक देरी खुशी मनाएक तोहरेमन के बेस लगलक।

यूहन्ना 5:39

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला।

यूहन्ना 8:12

यीशु फिन आदमीमन से कहलक, “दुनिया केर दीया मोंय हेकों। जे मोर पिछे होई लेवी, आउर मोर चेला बनी, उ अंधार में नी चली, मगर जिंदगी केर इंजोत पावी।”

खास चेलामन केर काम 15:29

तोहरेमन मूर्तिमन लगिन बलि चढ़ाल चीजमन के आउर लोहू के आउर घेंचा चीप के मोराल माँस के ना खाबा आउर ब्यभिचार से दूर रहबा, अगर तोहरे खुद के इ गोइठमन से बचाय के रखबा तो तोहर भला होवी। आगे शुभ।”

खास चेलामन केर काम 17:11

इ नगर केर यहूदी आदमीमन थिस्सलुनीके शहर केर यहूदी आदमीमन से भला रहैं। उमन बड़का लालसा से प्रभु केर बचन के सुनत रहैं आउर रोज दिन पवितर किताब के पइढ़ के खोजत रहैं कि इ बचन सच में पवितर किताब में अहे कि निहीं।

इब्रानीमन 2:2

काले कि मूसा केर नियम जेके परमेश्‍वर स्वरगदूतमन केर जरिया से देई रहे सच्चा साबित होलक, आउर जे आदमीमन उ नियम के नी मानलैं परमेश्‍वर उमन के दंड देलक।

याकूब 2:8

पवितर किताब में लिखल अहे, “तोहरे अपन पड़ोसी से अपन नियर प्रेम करा।” अगर तोहरे इकर मोताबिक इ खास आगया के पूरा कराला तो बेस हें कराला।

1 पतरस 1:10

एहे छुटकारा केर बारे में, उ परमेश्‍वर केर संदेश के बताएक वालामन आउर बगरा जानेक चाहत रहैं, उमन पहिलेहें बताय देई रहैं कि परमेश्‍वर तोहर छुटकारा करेक केर कइसन किरपा करी। उमन इ गोइठमन के धेयान केर साथ खोज बिन आउर जाँच पड़ताल करलैं।

1 यूहन्ना 5:10

जे परमेश्‍वर केर बेटा यीशु उपरे बिसवास करेला उ अपनेहें में गवाही रखेला। जे परमेश्‍वर केर उपरे बिसवास नी करलक, उ परमेश्‍वर के झूठा ठहरालक, काले कि उ परमेश्‍वर केर गवाही उपरे बिसवास नी करलक जेके परमेश्‍वर अपन बेटा केर बारे में देई हे।

3 यूहन्ना 1:6

उमन हिंयाँ केर कलीसिया केर सामने तोर प्रेम केर गवाही देई हैं। अगर तोंय उमन के जेमन तोर ठिना आवैना, ओहे लेखे बिदा करबे जे लेखे परमेश्‍वर केर आदमीमन के करेक उचित अहे, तो तोंय बेस काम करबे।

प्रकाशितवाक्य 2:28

आउर मोंय उके बड़-बिहान केर तइरगन देमूँ।

प्रकाशितवाक्य 22:16

मोंय, यीशु अपन स्वरगदूत के इ लगिन भेजलों कि तोर आगे कलीसियामन केर बारे में इ गोइठमन केर गवाही देवोक। मोंय दाऊद केर जाइर आउर बंश हेकों आउर बिहान केर चमकत तइरगन हेकों।”