2 पतरस 1:17 - सादरी नवाँ नियम

^17-18 हमरे उ पवितर पहार में उकर संगे रही जब उके आबा परमेश्‍वर से माइन आउर महिमा देवल जाय रहे। तो हमरे उ बेरा महिमा से भरल परमेश्‍वर आबा बटले इ आवाज सुनली, “इ मोर अपन दुलार बेटा हेके, जेकर से मोंय खुश अहों” हमरे खुद स्वरग से आवेक वाला इ आवाज के सुनली।

2 पतरस 1:17 Iomraidhean Croise

मत्ती 12:18

“देखा, इ मोर चुनल दुलार बेटा हेके, इकर से मोंय मुरुक खुश अहों, मोंय अपन आत्मा उके देमूँ आउर उ परजाइत आदमीमन के पापमन से छुटकारा पावेक केर शुभ समाचार सुनाई।

मत्ती 17:3

आउर अचका उमन परमेश्‍वर केर संदेश के देवेक वाला मूसा आउर एलिय्याह के उकर संगे गोठियाते देखलैं।

मत्ती 17:5

उ कहते हें रहे कि एगो चमकीला बदरी उमन के ढाँइप देलक, आउर उ बदरी में से इ शबद सुनालक, “इ मोर दुलार बेटा हेके, जेकर से मोंय खुश अहों, इकर गोइठ के सुना।”

मत्ती 28:19

से लगिन तोहरेमन जाय के सोउब जाइत केर आदमीमन के चेला बनावा आउर उमन के एगो चिन्हा केर रूप में आबा, आउर बेटा, आउर पवितर आत्मा केर नाँव से बपतिस्मा जल संस्कार देवा,

मत्ती 3:17

आउर स्वरग से परमेश्‍वर केर इ आवाज सुनालक, “इ मोर दुलार बेटा हेके, जेकर से मोंय ढेइर खुश अहों।”

मरकुस 1:11

तब स्वरग से परमेश्‍वर केर आवाज आलक, “तोंय मोर दुलार बेटा हेकिस। तोर से मोंय ढेइर खुश अहों।”

मरकुस 9:7

तब एगो बदरी आलक आउर उमन के ढाँइप देलक, उ बदरी में से उमन परमेश्‍वर के इ कहते सुनलैं, “इ मोर दुलार बेटा हेके, इकर गोइठ के सुना।”

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

लूका 3:22

आउर पवितर आत्मा पेरवाँ केर रूप में उकर उपरे उतरलक, आउर स्वरग से इ आवाज आलक, “तोंय मोर दुलार बेटा हेकिस, मोंय तोर से ढेइर खुश अहों।”

यूहन्ना 10:15

एहे लेखे मोंय अपन भेड़ीमन के जानोना आउर मोर भेड़ीमन मोके जानैना, आउर मोंय अपन भेड़ीमन लगिन अपन जीउ के बलिदान काइर देवोना।

यूहन्ना 10:36

जब मोंय कहोना, ‘मोंय परमेश्‍वर केर बेटा हेकों,’ तो तोहरेमन काले कहाला, ‘तोंय ईश्‍वर केर निंदा करिसला।’ मोंय ओहे हेकों, जेके आबा परमेश्‍वर अलग करलक आउर दुनिया में भेइज हे।

यूहन्ना 14:11

मोर इ गोइठ केर उपरे बिसवास करा कि मोंय आबा परमेश्‍वर में अहों आउर आबा परमेश्‍वर मोर में अहे, निहीं तो जे चमत्कार केर काममन के मोंय काइर हों, उकर खातिर मोर उपरे बिसवास करा।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 17:21

कि उमन सोउब एक होई जाओक। हे आबा परमेश्‍वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस।

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

यूहन्ना 3:35

आबा परमेश्‍वर अपन बेटा से प्रेम करेला आउर उ उकर हाँथ में सोउब चीजमन के देई दे हे।

यूहन्ना 5:20

काले कि मोर आबा परमेश्‍वर मोर से, मतलब बेटा से प्रेम करेला आउर जे-जे काम उ खुद करेला, उके मोके देखायला। उ मोके आउर हें महान काममन के देखाई, जेमन के देइख के तोहरेमन ताजुब होई जबा।

यूहन्ना 5:26

काले कि जे लेखे आबा परमेश्‍वर खुद में जिंदगी रखेला, ओहे लेखे उ मोके हों खुद में जिंदगी रखेक केर अधिकार देई हे,

यूहन्ना 6:27

नाश होवेक वाला भोजन लगिन मेहनइत ना करा, मगर उ भोजन लगिन मेहनइत करा, जे जुग-जुग केर जिंदगी तक बनल रहेला, जेके मोंय आदमी केर बेटा तोहरेमन के देमूँ, काले कि मोके आबा परमेश्‍वर एइसन करेक केर अधिकार देई हे।”

यूहन्ना 6:37

आबा परमेश्‍वर जेमन के मोके जिम्मा देवेला, उमन मोर ठिना आबैं आउर जेमन मोर ठिना आबैं, उमन के मोंय मोर ठिना सोउब दिन लगिन रखमूँ।

यूहन्ना 6:39

आउर मोर आबा परमेश्‍वर जे मोके भेइज हे उकर इच्छा इ हेके कि जेमन के उ मोके देई हे, उमन में से केखो मोंय नाश होवेक नी देमूँ, मगर आखरी दिन उमन के मोरलमन में से फिन जिंदा काइर देमूँ।

रोमानियनमन 15:6

ताकि तोहरेमन सोउब एक संगे परमेश्‍वर केर, जे हमरे केर प्रभु मसीह यीशु केर आबा हेके, उकर महिमा करबा।

2 कुरिनथियनमन 1:3

हमरे केर प्रभु यीशु मसीह आउर आबा परमेश्‍वर केर धन्यबाद होवोक, जे दया करेक वाला आबा आउर सोउब रकम केर दुःख में दिलासा देवेक वाला परमेश्‍वर हेके।

2 कुरिनथियनमन 11:31

प्रभु यीशु केर परमेश्‍वर आउर आबा जे सोउब बेरा धाइन अहे, जानेला कि मोंय झूठ नी कहोना।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

2 यूहन्ना 1:3

मोंय प्रार्थना करोना कि आबा परमेश्‍वर आउर उकर बेटा यीशु मसीह बटले किरपा, दया आउर शांति हमर संगे बनल रहोक, जे कि हमरे सच्चाई के जानिला आउर एक दोसर से प्रेम करिला।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।