2 पतरस 1:11 - सादरी नवाँ नियम

¹¹ आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।

2 पतरस 1:11 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

यूहन्ना 10:10

चोर सिरिफ भेड़ीमन के चोराएक, मोराएक आउर नाश करेक लगिन आवेला। मगर मोंय इ लगिन आय हों कि उमन जिंदगी पावोक आउर भरपूरी से पावोक।

रोमानियनमन 2:4

का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

1 कुरिनथियनमन 15:24

इकर पाछे मसीह सोउब शक्ति आउर ताकतमन के नाश काइर देवी, आउर दुनिया केर अंत आय जाई, आउर मसीह राइज के परमेश्‍वर आबा केर हाँथ में सोंइप देवी।

2 कुरिनथियनमन 5:1

काले कि हमरे जानिला कि जब हमर दूई दिन केर काया, जे धरती में अहे, नाश होई जाई, तो हमरे के परमेश्‍वर बटले स्वरग में एगो एइसन घर मिली, जे हाँथ केर बनाल घर ना लगे मगर सोउब दिन लगिन स्वरग में बनल अहे।

इफिसियनमन 3:20

अब परमेश्‍वर जे एइसन शक्तिशाली अहे कि हमरे केर माँगेक या बिचार करेक से बगरा काम करेक पारेला, उकर शक्ति केर मोताबिक जे हमरे केर भीतरे काम करेला।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

2 तीमुथियुस 4:18

आउर प्रभु मोके हरेक बुरा काम से छुड़ाई, आउर अपन स्वरग राइज में छुटकारा काइर के पोंहचाई। उकरे महिमा जुग-जुग होते रहोक आमीन।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 6:17

इ लगिन परमेश्‍वर हों किरिया खालक, इकर से परमेश्‍वर आदमीमन के सफा-सफा इ देखाएक चाहत रहे कि जेमन से करार करल जाय हे, उमन लगिन करार के पक्का पूरा करी।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 पतरस 1:5

इ लगिन तोहरे सिरिफ मसीह उपरे बिसवास करेक वाला ना बना, मगर बेस चाइल-चलन चलेक वाला बना। तोहरे सिरिफ बेस चाइल-चलन चलेक वाला ना बना, मगर इखो जाना कि कइसन समझदारी केर संगे ब्यवहार करेक अहे।

2 पतरस 2:20

जब आदमीमन प्रभु यीशु मसीह के अपन प्रभु आउर छुटकारा देवाइया माइन लेई रहैं, तब प्रभु उमन के इ दुनिया केर बुराई से बचाय लेई रहे। मगर अब एक बेर फिन उमन बुरा काममन में फाँइस जाय हैं आउर उ बुरा काम अब उमन के अपन वश में करेला, इ लगिन तब मसीह के नी मानेक से उमन केर दशा उ मनक बिसवासी बनेक से पहिले केर दशा से हों बुरा होई जाय हे।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 5:10

आउर उमन के हमर परमेश्‍वर लगिन तोंय एइसन आदमी बनाय देई हिस, जेमन केर उपरे उ राइज करेला आउर पुरोहित बनाले जे उकर सेवा करैना आउर उमन दुनिया में राइज करबैं।”