2 पतरस 1:10 - सादरी नवाँ नियम

¹⁰ इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

2 पतरस 1:10 Iomraidhean Croise

मत्ती 22:14

काले कि बोलालमन तो ढेइर अहैं, मगर चुनलमन थोर अहैं।”

रोमानियनमन 11:29

काले कि परमेश्‍वर कहियो अपन बरदानमन से, आउर बोलाएक से पिछे नी मुढ़ेला।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

इब्रानीमन 6:11

से लगिन तोहरे कड़ा मेहनइत करा आउर कोढ़िया ना होवा, तोहरे के धीरज आउर बिसवास केर साथ लगातार इ भला काममन के आखरी तक करते रहेक चाही। आउर परमेश्‍वर जे आशीषमन के देवेक लगिन करार काइर हे उके पावेक लगिन उकर उपरे पक्का आसरा करा।

इब्रानीमन 6:19

आउर इ आसरा हमर जीउ लगिन उ डोरा नियर अहे जेकर से डोंगा के खूटी में बाँधल जायला आउर डोंगा बिलकुल स्थिर रहेला, सेहे नियर आसरा हमर जिंदगी के स्थिर राखेला, आउर जेकर में हमरे आसरा राखिला उ यीशु हेके, जे पवितर तंबू में परदा केर पिछे महा पवितर ठाँव में भीतरे परमेश्‍वर तक पोहोंचलक।

याकूब 2:10

काले कि जे केऊ समूचा मूसा केर नियम के मानेला, मगर एक हें गोइठ में चुइक जायला तो उ सोउब गोइठमन में दोषी ठहइर चुकलक।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 पतरस 1:5

आउर परमेश्‍वर अपन महान शक्ति से तोहरे के संभराय के राइख हे, काले कि तोहरे यीशु में भरसा कराला, उ तोहरे के मसीह केर घूइर आवेक दिन तक संभराय के राखी, तब तोहरेमन जानबा कि पाप आउर माउत से परमेश्‍वर तोहर पूरा पुरी छुटकारा काइर हे।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 1:5

इ लगिन तोहरे सिरिफ मसीह उपरे बिसवास करेक वाला ना बना, मगर बेस चाइल-चलन चलेक वाला बना। तोहरे सिरिफ बेस चाइल-चलन चलेक वाला ना बना, मगर इखो जाना कि कइसन समझदारी केर संगे ब्यवहार करेक अहे।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

2 पतरस 3:17

इ लगिन हे दुलार बिसवासी भाई-बहिनमन, तोहरे पहिलेहें से इ गोइठमन के जाइन हा, से लगिन सावधान रहा, ताकि अधरमी आदमीमन केर बहकाएक में फाँइस के मसीह में अपन बिसवास के हेराय ना देवा।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।

प्रकाशितवाक्य 22:14

धाइन हेकैं उमन, जेमन अपन लुगा के मेमना केर लोहू से धोई लेवैना, काले कि उमन के जीवन केर गाँछ ठिना आवेक केर अधिकार मिली आउर उमन फाटकमन से होई के नगर में ढूकबैं।