2 यूहन्ना 1:9 - सादरी नवाँ नियम

⁹ जे केऊ मसीह केर शिक्षा से भटइक जायला आउर उकर में बनल नी रहेला उकर ठिना परमेश्‍वर नखे। जे केऊ मसीह केर शिक्षा केर मोताबिक चलेला उकर ठिना आबा परमेश्‍वर आउर उकर बेटा यीशु दुयो अहैं।

2 यूहन्ना 1:9 Iomraidhean Croise

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 15:6

अगर जे आदमी मोर में बनल नी रहेला, तो उके नी फारेक वाला लरंग नियर काइट के फेइक देवल जायला, आउर उ सूइख जायला, आउर आदमीमन उके ठुराय के पोड़ाय देवैना।

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

यूहन्ना 8:31

जे यहूदी आदमीमन उकर उपरे बिसवास करलैं, उमन से यीशु कहलक, “अगर तोहरेमन मोर बचन में बनल रहबा, तो सचमुच मोर चेला ठहरबा।

खास चेलामन केर काम 2:42

उमन खास चेलामन से शिक्षा पावेक, आउर संगति रखेक आउर प्रभु भोज में मेसा होवेक में लगल रहैं आउर उमन एके संगे खात रहैं आउर प्रार्थना करेक में लीन रहैं।

कुलुसियनमन 3:16

मसीह केर बचन के अपन मन में भरपूरी से बसेक देवा। आउर सिद्ध गेयान सहित एक दोसर के सिखाते आउर चेताते रहा। आउर अपन-अपन मन में धन्यबाद देते परमेश्‍वर लगिन आराधना आउर स्तुति गान आउर आत्मिक गीत गाते रहा।

तीतुस 2:10

उमन मालिक केर कोनों चीजमन केर चोरी ना करोक, मगर सोउब रकम से पूरा ईमानदार रहोक। ताकि आदमीमन उ मनक बेस ब्यवहार के धेयान देबैं। आउर उ मनक बेस काम आदमीमन के हमरे केर छुटकारा देवाइया परमेश्‍वर केर बारे में संदेश सुनेक केर जरिया बनोक।

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

इब्रानीमन 6:1

इ लगिन आवा मसीह केर बारे में जे हमरे के पहिले सिखाल जाय हे, उ शुरु केर शिक्षा केर गोइठमन के घरी-घरी दोहराएक छोइड़ देवब। हमरे सिद्ध बनेक केर शिक्षामन उपरे धेयान करब, अब हमरे माउत बटे लेगेग वाला पाप काम करेक के छोड़ेक, आउर परमेश्‍वर में बिसवास करेक,

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

3 यूहन्ना 1:9

मोंय आगे हों कलीसिया केर बिसवासीमन के इ चिट्ठी लीख रहों, मगर दियुत्रिफेस मोर गोइठमन के मानेक से मना करेला काले कि उ खुद कलीसिया केर अगुवा बनेक चाहेला।