2 यूहन्ना 1:5 - सादरी नवाँ नियम

⁵ अब हे बहिन, मोंय तोर से बिनती करोना कि हमरेमन के एक दोसर से प्रेम करेक चाही, इ कोनों नवाँ आगया ना लगे मगर ओहे आगया हेके, जेके हमरेमन ओहे बेरा से जानाथी जब हमरे मसीह केर उपरे बिसवास करली।

2 यूहन्ना 1:5 Iomraidhean Croise

यूहन्ना 15:12

मोर आगया इ हेके, ‘जइसन मोंय तोहरेमन से प्रेम काइर हों, तइसनेहें तोहरेमन हों एक-दोसर से प्रेम करा।’

यूहन्ना 15:17

मोंय तोहरेमन के इ आगयामन के इ लगिन देवाथों कि तोहरेमन एक-दोसर से प्रेम करा।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

1थिस्सलुनीकियनमन 4:9

मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

इब्रानीमन 13:1

भाई-बहिन नियर एक दोसर से प्रेम करते रहा।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

2 पतरस 1:7

तोहरे सिरिफ परमेश्‍वर के खुश करेक वाला ना बना, मगर तोहरे एक दोसर से अपन परिवार केर नियर प्रेम करेक वाला बना। तोहरे सिरिफ एक दोसर से अपन परिवार केर नियर प्रेम करेक वाला ना बना, मगर एक दोसर से प्रेम करेक वाला बना।

1 यूहन्ना 3:11

जे समाचार तोहरेमन शुरु से सुनला उ इ हेके कि हमरेमन एक दोसर से प्रेम करब।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।

2 यूहन्ना 1:1

इ चिट्ठी मोंय यूहन्ना बटले हेके जे कलीसिया केर अगुवा हेकों। मोंय इ चिट्ठी उ खास बहिन के आउर उकर छउवा-पुतामन के लिखाथों, जेमन के परमेश्‍वर चुइन के राइख हे। मोंय तोहरेमन से सच्चा प्रेम करोना, सिरिफ मोंय हें निहीं मगर ओहोमन प्रेम करैना जेमन सच्चाई के जानैना।