2 यूहन्ना 1:2 - सादरी नवाँ नियम

² हमरेमन तोहरेमन से उ सच्चाई केर चलते प्रेम करिला जे हमरे केर भीतरे रहेला आउर सोउब बेरा हमर संगे बनल रही।

2 यूहन्ना 1:2 Iomraidhean Croise

यूहन्ना 14:16

मोंय आबा परमेश्‍वर से प्रार्थना करमूँ कि उ तोहर मदइत करेक लगिन एगो दूसरा मदइत करेक वाला के भेजोक, जे सोउब बेरा तोहर संगे रही।

यूहन्ना 15:7

अगर तोहरेमन मोर में बनल रहबा, आउर मोर बचन तोहर में बनल रही, तो तोहरेमन के जे चाही उके माँगबा, तो मोंय तोहर लगिन उके देमूँ।

1 कुरिनथियनमन 9:23

आउर मोंय सोउब कुछ मसीह केर बारे में शुभ समाचार के परचार करेक लगिन करोना, ताकि मोंय हों शुभ समाचार केर फायदा में से हिस्सा पामूँ।

2 कुरिनथियनमन 4:5

काले कि हमरे खुद के निहीं, मगर यीशु मसीह के परचार करिला कि यीशु मसीह प्रभु हेके, आउर अपन बारे में इ कहिला कि हमरे यीशु केर चलते तोहर सेवक हेकी।

कुलुसियनमन 3:16

मसीह केर बचन के अपन मन में भरपूरी से बसेक देवा। आउर सिद्ध गेयान सहित एक दोसर के सिखाते आउर चेताते रहा। आउर अपन-अपन मन में धन्यबाद देते परमेश्‍वर लगिन आराधना आउर स्तुति गान आउर आत्मिक गीत गाते रहा।

2 तीमुथियुस 1:5

मोके तोर उ सच्चा बिसवास केर खेयाल आवेला, जे पहिले तोर नानी लोइस, आउर तोर आयो यूनीके में रहे, आउर मोके पूरा भरसा अहे कि उ बिसवास तोर में हों अहे।

2 पतरस 1:12

हालाँकि तोहरेमन पहिले से हें इ गोइठमन के जानाला, आउर जे सच्चा शिक्षामन मसीह केर बारे में मिल हे उके मजबूती से धाइर रहा, जेके आदमीमन तोहरे के देई हैं, मोंय तोहरे के उमन केर बारे में लगातार याइद दिवाते रहमूँ।

1 यूहन्ना 1:8

अगर हमरे कहब, कि हमर में कोनोवें पाप नखे, तो खुद के धोखा देवीला आउर हमर में सच्चाई नखे।

1 यूहन्ना 2:14

हे आबामन, मोंय तोहरेमन के इ लगिन लिखाथों काले कि तोहरेमन मसीह के जानाला जे शुरु से अहे। हे जवानमन, मोंय तोहरेमन के इ लगिन लिखाथों कि तोहरेमन बलवान हेका आउर परमेश्‍वर केर बचन तोहर में बनल रहेला आउर तोहरेमन उ शैतान उपरे जय पाय हा जे सोउब बुराई केर कारण हेके।

1 यूहन्ना 2:17

दुनिया आउर उकर इच्छामन दुयो मेटते जायला, मगर जे परमेश्‍वर केर इच्छा केर मोताबिक चलेला, उ सोउब बेरा बनल रही।