2 कुरिनथियनमन 2:3 - सादरी नवाँ नियम

³ मोंय इ चिट्ठी के तोहरेमन के इ लगिन लिखलो कि मोर आवेक से एइसन ना होवोक कि जेमन से मोके खुशी मिलेक चाही, उमन से मोंय उदास होमूँ, काले कि मोके तोहरे सोउबमन उपरे इ गोइठ केर भरसा अहे कि जे खुशी मोके अहे, ओहे खुशी तोहरे सोउबमन केर हों अहे।

2 कुरिनथियनमन 2:3 Iomraidhean Croise

1 कुरिनथियनमन 4:21

जब मोंय तोहरे ठिना पोहोंचमूँ, तो तोहरे का चाहाला कि मोंय करमूँ? अगर तोहरे एखनो तक बुरा डहर में चलेक नी छोइड़ हा, तो मोंय तोहरे के ढेइर गरियामूँ, मगर, अगर तोहरेमन बुरा डहर में चलेक छोइड़ देई हा तो मोंय तोहरे से प्रेम आउर नरम भाव से ब्यवहार करमूँ।

2 कुरिनथियनमन 1:15

मोके पक्का भरसा रहे कि सोउब से पहिले तोहरे से भेंट करेक केर हमर योजना के तोहरे जानत रहा, मोंय तोहरे से दोबारा मिल के दुगुना आशीष देवेक चाहत रहों।

2 कुरिनथियनमन 1:23

परमेश्‍वर मोर इ सच्चाई केर गवाह हेके कि मोंय दोबारा कुरिन्थुस शहर में इ लगिन नी आलों, ताकि तोहरे के परेशानी ना होवोक।

2 कुरिनथियनमन 12:11

मोंय मूरख तो बनलों, मगर तोहरेहेमन मोके एइसन बनेक लगिन जबरजस्ती करला, तोहरेमन के तो मोर बड़ाई करेक चाही रहे, काले कि अगर मोर कीमत कोनोवें नखे, फिन भी बाड़ से बाड़ यीशु केर चुनल खास चेलामन में से कोनों गोइठ में कम नखों।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

2 कुरिनथियनमन 13:10

इ लगिन जब मोंय तोहर ठिना आवेक से पहिले इ गोइठमन के तोहरे के लिखाथों, तो मोके उ अधिकार केर मोताबिक जेके प्रभु देई हे, कड़ाई से कोनों करेक ना पड़ोक। काले कि मोके इ अधिकार तोहरे के बिगड़ाएक लगिन निहीं, मगर बनाएक लगिन देई हे।

2 कुरिनथियनमन 2:9

काले कि मोंय इ लगिन हों लीख रहों कि तोहरेमन के परइख लेमूँ कि तोहरे मोर सोउब गोइठमन के मानेक लगिन तेयार अहा कि निहीं।

2 कुरिनथियनमन 7:12

फिन मोंय जे चिट्ठी में कठोर गोइठमन के तोहर लगिन लीख रहों, उके ना तो अन्याय करेक वालामन केर चलते, आउर ना तो जेमन केर अन्याय होवेला उकर चलते लीख रहों, मगर इ लगिन लीख रहों कि तोहरे केर जोश, जे हमरे लगिन अहे उ परमेश्‍वर केर सामने दिसोक।

2 कुरिनथियनमन 7:16

मोंय खुश अहों काले कि तोहर हर गोइठ में मोके पूरा भरसा अहे।

2 कुरिनथियनमन 7:6

फिन भी दुःखी आदमीमन के शांति देवेक वाला परमेश्‍वर, तीतुस केर आवेक से हमरे के शांति देलक।

2 कुरिनथियनमन 7:8

मोंय इ चिट्ठी तोहरे के लीख के नी पसतावना, जबकि तोहरे इ चिट्ठी से दुःखी होला, पहिले जब मोंय देखलों कि थोरेक समय ले तोहरे दुःखी होला, तो मोंय पसतात रहों, मगर एखन मोंय खुश अहों।

2 कुरिनथियनमन 8:22

आउर हमरे उ दुइयो झन केर संगे, एगो आउर बिसवासी भाई के भेइज ही, जेके हमरे कायनों बेर परइख के ढेइर गोइठमन में जोशीला पाय ही, मगर अब तोहरेमन उपरे उके पूरा भरसा अहे, इकर चलते उ आउर हें ढेइर जोशीला अहे।

गलातियनमन 5:10

मोंय परमेश्‍वर उपरे बिसवास करोना कि तोहरेमन दोसर आदमीमन केर गोइठमन के स्वीकार नी करबा। मगर जे तोहरे के भटकायला, उ चाहे केऊ काले नी होवी परमेश्‍वर बटले दंड पावी।

2 थिस्सलुनीकियनमन 3:4

आउर हमरे के प्रभु में तोहर उपरे भरसा अहे कि तोहरे के जे कोनों करेक लगिन हमरे आगया देवीला, उमन के तोहरेमन मानाला, आउर मानते हों रहबा।

फिलेमोन 1:21

मोंय तोर आगयाकारी होवेक केर भरसा काइर के तोके लिखाथों आउर इ जानोना कि जे कोनों मोंय कइह हों, तोंय उकर से कहीं बाइढ़ के करबे।